كەلەر جىلى سۇيىتىلعان گاز قۇنى قىمباتتاۋى مۇمكىن. ياعني، اۆتوگاز باعاسى تاعى 10 تەڭگەگە كوتەرىلەدى. بۇل تۋرالى ەنەرگەتيكا ۆيسە-مينيسترى الىبەك جاماۋوۆ مالىمدەدى.
ۆيسە-مينيستر ءقازىر نارىقتا اۆتوگاز تاپشىلىعى سەزىلىپ جاتقانىن ايتىپ وتىر. ۆەدومستۆو بۇل پروبلەمانى جاسىرمايدى. تاپشىلىققا "وكىنىشكە قاراي، كۇندەلىكتى اۆتوكولىك جۇرگىزۋشىلەرىنىڭ ارزان وتىنعا اۋىسۋى سەبەپ" بولىپ وتىر دەيدى الىبەك جاماۋوۆ. دەسە دە، كەيىنگى ەكى جىلدا مينيسترلىك ءدال وسى ماسەلەنى شەشۋگە مىقتاپ كىرىسكەن. ياعني، ۇلتتىق كومپانيالاردان سۇيىتىلعان مۇناي گازىن وزگە وتىن تۇرلەرىنە قاراعاندا كوبىرەك ءوندىرۋدى وتىنگەن.
"قاشاعان" جانە "قاراشىعاناق" كەن ورىندارىنداعى جاڭا وندىرىستەر ىسكە قوسىلعان سوڭ تاپشىلىق ماسەلەسى شەشىلەدى دەپ ويلايمىن. ال سۇيىتىلعان مۇناي گازىنىڭ باعاسى كەزەڭ-كەزەڭىمەن وسەدى. ماسەلەن، بيىل 5-8 تەڭگە ارالىعىندا كوتەرىلدى. كەلەر جىلى 10 تەڭگەگە دەيىن قىمباتتايدى"، – دەدى ەنەرگەتيكا ۆيسە-مينيسترى الىبەك جاماۋوۆ.
پىكىر قالدىرۋ