جوعارعى سوت بۇقارالىق اقپارات قۇرالدارى مەن الەۋمەتتىك جەلىلەردە تاراپ جاتقان "مەكتەپتەردە ورامال تاعۋ زاڭدى دەپ تانىلدى" دەگەن اقپارات جالعان ەكەننىن مالىمدەدى.
حابارلامادا ءىستى قاراۋ اياسىندا جوعارعى سوتتىڭ اكىمشىلىك ىستەر جونىندەگى سوت القاسى ءبىلىم بەرۋ مەكەمەسىندە ورامال تاعۋدىڭ زاڭدىلىعى جونىندەگى ماسەلەنى تالقىلاۋعا ارالاسپاعانى ايتىلادى.
"كاسساسيالىق ساتى مەكتەپتىڭ وقۋشىنى ساباققا جىبەرمەۋىن زاڭسىز دەپ تانىدى، ويتكەنى ءبىلىم الۋ قۇقىعى قازاقستان رەسپۋبليكاسى ازاماتتارىنىڭ نەگىزگى كونستيتۋسيالىق قۇقىقتارىنىڭ ءبىرى بولىپ تابىلادى. سونىمەن قاتار، بەيىندى مينيسترلىكتە ورتا ءبىلىم بەرۋ ۇيىمدارى ءۇشىن مىندەتتى مەكتەپ فورماسىنا قويىلاتىن تالاپتاردى بەكىتۋ جونىندەگى وكىلەتتىكتەر بار. ءمينيستردىڭ ءتيىستى بۇيرىعى زاڭسىز دەپ تانىلماعان جانە كۇشى جويىلماعان. سونداي-اق، اتا-انالار مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋ مىندەتىنە جاۋاپتى ەكەنىن اتاپ وتەمىز" دەلىنگەن جوعارعى سوت حابارلاماسىندا.
پىكىر قالدىرۋ