اتالعان قاندى وقيعانى 9-اي بويى اقتوبە وبلىسىنىڭ پوليسيا دەپارتامەنتىمەن تەرگەلىپ ناتيجەسىندە بۇزاقىلىق نيەتپەن كورىنەۋ كامەلەتكە تولماعان ادامدى ولتىرۋگە وقتالۋمەن كىسى ءولتىرۋ فاكتىسى بويىنشا سارالانىپ، 18 (ون سەگىز) تومدىق قىلمىستىق ءىس بولىپ جيناقتالىپ، اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتتا ءىستىڭ ءمانى بويىنشا قارالۋدا.

  ءىس ماتەريالدارىنا سۇيەنسەك، «Instagram» الەۋمەتتىك جەلىسىندە «ۇ» ەسىمدى ازامات سىلتاۋ رەتىندە ءبىر ادامنىڭ ۇيالى تەلەفون نومەرىن الۋ ءۇشىن كامەلەتتىك جاسقا تولماعان «و» ەسىمدى ازاماتپەن حات الماسۋ ارقىلى سۇراعان كەزىندە ءوزارا تۇسىنىسپەۋشىلىك تۋىنداعان، سونى جويىپ شەشۋ ءۇشىن الدىن-الا كەزدەسۋ ۋاقىتىمەن ورىنىن بەلگىلەپ كەلىسكەن.

 سودان «ۇ» ەسىمدى ازامات ءوزىنىڭ فيزيكالىق مۇمكىندىگىنە كۇماندانىپ، بۇزاقىلىق نيەتپەن «و» ەسىمدى ازاماتتىڭ كامەلەتكە تولماعان جانە ونىڭ سپورتپەن اينالىساتىنىن بىلە تۇرا ونى قاساقانا ءولتىرۋ ءۇشىن ءوزىنىڭ بىرنەشە جاقىن دوستارىمەن قوسقاندا 6 (التى) بالا بولىپ بىرىگىپ، الدىن-الا بىرنەشە پىشاقتارمەن قارۋلانىپ كەزدەسۋ ورنى بەلگىلەنگەن جەرگە «و» ەسىمدى ازاماتتىڭ وزىمەن جانە ونىڭ دوستارىمەن كەزدەسەدى.

 ناتيجەسىندە، «و» ەسىمدى ازاماتپەن ونىڭ كامەلەتتىك جاسقا تولماعان دوسى ەكەۋى قازا بولادى، سونىمەن قاتار تاعى ەكى دوسى پىشاقتان اۋىر جانە جەڭىل تۇردە جاراقات الادى، ال «ۇ» ەسىمدى ازامات ءوزىنىڭ دوستارىمەن بىرگە وقيعا ورنىنان قاشىپ كەتىپ قالادى.  

 ءقازىر سوتتالۋشىلار تاعىلعان ايىپپەن كەلىسپەيدى، ونىڭ ىشىندە «ۇ» ەسىمدى ازامات جانە ونىڭ دوستارى وزدەرىنىڭ كىناسىن مويىنداماي تۇر، ياعني سوتتالۋشىلاردىڭ بارلىعى قازا بولعان جانە دەنە جاراقاتتارىن العان بالالارعا كىم پىشاق سالعانىن تەرگەۋ بارىسىندا كورسەتكەنىمەن ءبىراق باستى سوت وتىرىسىندا قورعانۋ امالىن قولدانۋمەن ۇشتاستىرىپ ادەيى جاسىرىپ ايتپاي وتىر. ونىڭ ۇستىنە سوتتالۋشىلار سوتتا ۇنەمى بىر-بىرىنە ىرىق-جىرىق كۇلىپ وتىرادى، بۇل قاراپايىم جابىرلەنۋشى تاراپتىڭ جانە سوتقا تىڭداۋشى رەتىندە وتىرعانداردىڭ ىشتەي ىزاسىن تۋدىرادى. ال سوت بولسا ولارعا ءوزىنىڭ تاراپىنان ەشقانداي ەسكەرتۋ بەرمەيدى.

  ارينە، سوتتالۋشىلاردىڭ تاعىلعان ايىپپەن كەلىسۋى نەمەسە كەلىسپەۋى، وزدەرىنىڭ كىناسىن مويىنداۋى نەمەسە مويىنداماۋى ول سوتتالۋشىنىڭ اجىراماس پروسەسسۋالدىق قۇقىعى ەكەنىن دەپ تۇسىنۋگە تىرىسساق، وندا قازا بولعان كامەلەتتىك جاسقا تولماعان بالالاردىڭ اتا-اناسىنىڭ ىشكى جاي كۇيى مەن كۇزەلىسىن كىم تۇسىنەدى؟ تۇسىنسەڭ دە ونى ايتىپ جەتكىزۋ وتە قيىن.

وسى تۇرعىدان، «ادىلەتتى قازاقستاندى» قۇرۋدىڭ العى شارتى – دۇرىس ءارى ءادىل شەشىم شىعاراتىن سوت بولۋى ءتيىس - دەگەن ۇران بۇل ىستە قىلمىستىق جاۋاپتىلىقتان جانە جازادان ەشكىم قۇتىلمايتىنىنا بەلسەندى تۇردە ات سالىسۋ اقتوبە پروكۋرورىنىڭ كومەكشىسى، ادىلەت كەڭەسشىسى گ.ك.كوچەربايەۆانىڭ جانە جابىرلەنۋشىنىڭ وكىل رەتىندە مەنىڭدە ورتاق مۇددەم دەپ تۇسىنەمىن!

 سەبەبى قازاقستان رەسپۋبليكاسى كونستيتۋسياسىنىڭ 15-بابىندا «اركىمنىڭ ءومىر سۇرۋگە قۇقىعى بار. ەشكىمنىڭ ءوز بەتىنشە ادام ءومىرىن قيۋعا حاقىسى جوق…» - دەپ ناقتى كورسەتىلگەن.

 ياعني، قولىڭمەن بۇلدىرگەندى مىندەتتى تۇردە موينىڭمەن كوتەرەسىڭ دەگەن ۇستانىمدى جاستاردىڭ ساناسىنا ۇمىتپايتىنداي ەتىپ ۇنەمى قۇيىپ وتىرۋ ۇرپاقتىڭ دۇرىس تاربيەلەنىپ دامۋىنا ولاردىڭ قىلمىسقا بارماۋىنا سەپتىگىن تيگىزەدى.

  ويتكەنى قىلمىستىڭ ءتۇبى – جازاعا اكەلەدى دەگەن ۇعىمدى جاستاردىڭ ەستەرىنەن شىعارماساق، بۇل ءوز كەزەگىندە بولاتىن قىلمىستىلىقتىڭ الدىن الادى دەپ نىق ايتۋعا بولادى.

زاڭگەر ب. اماندوس ۇلى