ۇلتتىق بانك "جۇرەكتەن جۇرەككە" مونەتالار سەرياسىنان “شاڭىراعىڭىز شاتتىققا تولسىن” كوللەكسيالىق مونەتالارىن اينالىمعا شىعاراتىنىن مالىمدەدى.

"شاڭىراعىڭىز شاتتىققا تولسىن (ۇيىڭدە تىنىشتىق بولسىن) مونەتاسى جەر بەتىندەگى بەيبىتشىلىك پەن وشاق جىلۋىن بىلدىرەدى. "شاڭىراعىڭىز شاتتىققا تولسىن" دەگەن سوزدەر ادامدار بىر-بىرىمەن ءتاتۋ-تاتتى ءومىر ءسۇرسىن، ءۇي يەلەرىنە تىنىشتىق پەن بەرەكە بولسىن دەگەن تىلەكتك ايتىلادى”، – دەلىنگەن حابارلامادا.

مونەتادا تەرەزەنىڭ جاقتاۋىندا جاتقان مىسىقتىڭ سۋرەتى بار. سونداي-اق شاڭىراقتىڭ، ويۋ مەن تاعانىڭ سۋرەتىن دە بايقاۋعا بولادى. بۇل مونەتالار 925/1000 سىنامالى كۇمىستەن جاسالعان، ماسساسى – 31،1 گرامم، ديامەترى – 38،61 مم، نومينالى – 1000 تەڭگە. تيىننىڭ تارالىمى – 2000 دانا.

“كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا نومينالدى قۇنى بويىنشا تولەمنىڭ بارلىق تۇرلەرى ءۇشىن، سونداي-اق بانك شوتتارىنا ەسەپكە الۋ ءۇشىن جانە ەلىمىزدىڭ بارلىق بانكتەرىندە اۋدارۋ، مايدالاۋ جانە ايىرباستاۋ ءۇشىن قابىلدانۋعا مىندەتتى”، – دەپ جازدى ۇلتتىق بانك.