زاڭدا تۇرعىن ءۇي قۇرىلىسىنا ۇلەسكەرلەردىڭ قارجىسىن تارتۋدى رەتتەۋگە قاتىستى ءبىرقاتار جاڭا ەرەجەلەر قامتىلعان. بۇل تۋرالى ونەركاسىپ جانە قۇرىلىس ۆيسە-مينيسترى يران شارحاننىڭ دەپۋتات ساۋالىنا بەرگەن جاۋابىندا ايتىلعان.

تۇزەتۋلەر كەلەسى وزگەرتۋلەردى كوزدەيدى:

الدىن الا برونداۋ (رەزەرۆتەۋ) شارتتارىن جاساسۋعا تىيىم سالۋ؛

ۇلەسكەرلەردىڭ اقشاسىن تارتۋعا رۇقساتسىز جارناماعا تىيىم سالۋ؛

"تۇرعىن ءۇي قۇرىلىسىنا ۇلەستىك قاتىسۋ تۋرالى" ق ر زاڭىن رەتتەۋ سالاسىنا "شاعىن قاباتتى قۇرىلىس" ۇعىمىن ەنگىزۋ؛

قۇرىلىس مەرزىمدەرىن ۇزارتۋدى قىسقارتۋ (قۇرىلىس وبەكتىسىنىڭ جسق-دا كورسەتىلگەن مەرزىمنەن 5 ايعا دەيىن بارىنشا ۇزارتۋ)؛

ۇلەستىك زاڭناماعا كونسۋلتاسيا بەرۋ ماسەلەلەرى بويىنشا ۇلەسكەرلەردى قولداۋ ورتالىعىنىڭ جۇمىس ىستەۋىن قامتاماسىز ەتۋ؛

ۇلەسكەرلەردىڭ اقشاسىن تارتۋعا رۇقساتسىز / ءبىرىڭعاي وپەراتوردىڭ كەپىلدىگىنسىز يپوتەكا بەرۋگە تىيىم سالۋ.