ءورت ورنىنا ورمان شارۋاشىلىعىنىڭ، تجد كۇشتەرى مەن قۇرالدارى جانە ەرىكتى ورتكە قارسى قۇرالىمدار دەرەۋ جىبەرىلدى.

شاقىرۋ ورنىنا كەلگەن كەزدە الدىن الا 40 گەكتار القاپتا جانۋ بايقالدى. ءورتتى ءسوندىرۋ بارىسىندا ءوڭىردىڭ تجد ەكى قىزمەتكەرى جانە ەرىكتى ورتكە قارسى قۇرالىمنىڭ ءبىر قىزمەتكەرى كۇيىك الدى. ولار اۋداندىق اۋرۋحاناعا جەتكىزىلدى، وندا دارىگەرلەر ولارعا العاشقى مەديسينالىق كومەك كورسەتتى.  

كەيىن "قازاۆياقۇتقارۋ" اق تىكۇشاعىندا ورتتەن زارداپ شەككەن تاعى ءبىر تۇرعىندى قاراعاندى قالاسىنىڭ اۋرۋحاناسىنا جەتكىزدى. الدىن الا مالىمەتتەر بويىنشا، ول جەڭىل كۇيىك العان.

كۇندىز دالا ءورتى پاۆلودار وبلىسىنىڭ شەكاراسىنان "باياناۋىل مەملەكەتتىك ۇلتتىق تابيعي پاركىنىڭ" ورمانسىز اۋماعىنا كوشتى. ءورت ورنىنا "قازاۆياقۇتقارۋ" تىكۇشاقتارى باردى. تىكۇشاق قۇرىلعىسىنا سۋدى شالقاركول كولىنەن قارماپ الىپ، ساعات 17-00 جاعداي بويىنشا ءورت وشاقتارىنا 6 رەت جالپى كولەمى 18 توننا سۋ توگىلدى.

سونداي-اق اەروۆيزۋالدى بارلاۋ  بارىسىندا جەلتاۋ كەنتىنىڭ تۇرعىندارىن الدىن الا ەۆاكۋاسيالاۋ تۋرالى شەشىم قابىلداندى. ءقاۋىپسىز جەرگە 18 ادام، ونىڭ 8 بالا ەۆاكۋاسيالاندى.

ق ر تجم كوماندالىق ورتالىعىندا شتاب جۇمىس ىستەۋدە. تج ۆيسە-مينيستر ەران نۇرپەيىسوۆ ءورت ورنىندا. قاراعاندى وبلىسىنىڭ اكىمى دە وقيعا ورنىنا باردى.

قۇتقارۋشىلار توبى قوسىمشا كۇشتەر مەن قۇرالدارمەن تولىقتىرىلدى. ءورت ورنىندا قاراعاندى جانە پاۆلودار وبلىستارىنان تجد، جاو، ەترم كۇشتەرى جۇمىلدىرىلدى: جەكە قۇرامنان 183 ادام، 56 بىرلىك تەحنيكا جانە 4 تىكۇشاق.

ءورتتىڭ الدىن الا اۋدانى 3000 گەكتاردان استى.

قاتتى ەكپىندى جەل، تاۋلى جەرلەر جانە ءورت وشاقتارىنا كىرمە جولداردىڭ بولماۋى ءورتتى ءسوندىرۋ جۇمىستارىن قيىنداتۋدا.