بۇگىن تاڭعى ساعات 04.29-دا قوستاناي وبلىسى ءجىتىقارا قالاسىندا جەكە تۇرعىن ۇيدەن ءورت شىعىپ، سالدارىنان شاتىرى وپىرىلىپ تۇسكەن.
وقيعا ورنىنا 7 مينۋت ىشىندە قۇتقارۋشىلار كەلىپ جەتكەنشە، ءۇي تولىعىمەن وتقا ورانعان. ءورت سوندىرۋشىلەر تەز ارادا ءورتتى ءسوندىرىپ، ۇيىندىلەردى تازارتۋعا كىرىسكەن.
ساعات 06:08-دە ءورت وقشاۋلانىپ، تولىعىمەن ءسوندىرىلدى.
اپات كەزىندە ۇيدە ەرەسەكتەردىڭ قاراۋىنسىز 2011، 2016، 2018، 2019، 2022، 2023 جىلعى كامەلەتكە تولماعان بالالار بولعان.
وكىنىشكە قاراي، ۇيىندىلەردى تازارتۋ بارىسىندا بەس بالانىڭ دەنەسى تابىلدى. بالالاردىڭ ۇلكەنى، 2011 جىلى تۋعان بالا عانا امان، زارداپ شەكپەگەن.
پىكىر قالدىرۋ