كومپانيا ءوزىن ينۆەستيسيالىق قور رەتىندە تانىستىرعان، ءبىراق ۋادە ەتىلگەن ديۆيدەندتەر (اي سايىن 2-3% - دان) قاتىسۋشىلارعا جاڭا سالىمشىلاردان قاراجات تارتۋ ارقىلى عانا تولەنگەن.

ازاماتتارعا بروكەرلىك قىزمەت كورسەتۋ، باعالى قاعازدار نارىعىنداعى ساۋدا جانە انگولا رەسپۋبليكاسىندا (افريكا) الماز ءوندىرۋ جوباسىنا ينۆەستيسيالاۋ بويىنشا قىزمەتتەردى ورىنداۋعا سەندىرە وتىرىپ، قاراجاتتارىن سەنىمگەرلىك باسقارۋعا بەرۋ ۇسىنىلعان.

«Sax Invest» رەسمي سايتىندا تىركەلۋ جانە جەكە كابينەتكە كىرۋ ءۇشىن جوبا كليەنتىنەن سىلتەمە الۋ قاجەت، ياعني جوباعا كىرۋ شاقىرۋ-سىلتەمە ارقىلى عانا جۇزەگە اسىرىلعان.

بونۋستار جاڭا سالىمشىلار تارتىلعان جاعدايدا وسكەن، ولاردى كەيىننەن كومپانيا جۇيەسى ىشىندە باسقا تۇلعاعا اۋدارۋ ارقىلى قولما-قول اقشاعا اينالدىرۋعا بولاتىنىن ايتقان.

سالىمشىلاردىڭ بارلىق اقشالاي قاراجاتتارى كومپانيانىڭ بانكتىك شوتىنا ەمەس، ۇيىمداستىرۋشىنىڭ جەكە بانكتىك كارتاسىنا اۋدارىلعان.

- 2018 جىلعى قاڭتاردان باستاپ 2022 جىلعا دەيىنگى كەزەڭدە كومپانياداعى اقشا اينالىمى 18 ملن اقش دوللارىنا (9 ملرد تەڭگەگە جۋىق) جەتىپ، 3 000-نان استام سالىمشىنى قۇراعان، - دەلىنگەن حابارلامادا.

«Sax Invest» قارجى پيراميداسىن ۇيىمداستىرۋشىلارىنىڭ ءبىرى ۇستالىپ، ۋاقىتشا ۇستاۋ يزولياتورىنا قامالدى.