جاڭا تالاپقا ساي ەمتيحان تاپسىرۋشىلار ەكى فاكتورلى اۋتەنتيفيكاسيادان وتەتىن بولادى. بۇل جەكە تۇلعانى راستاۋدىڭ ەكى ءتۇرلى ءادىسىن قامتۋ ءتاسىلى: ءبىرىنشىسى — SMS ارقىلى، ەكىنشىسى — بيومەتريالىق سايكەستەندىرۋ.
«تەستىلەۋ باستالار الدىندا كورسەتىلەتىن قىزمەتتى الۋشىعا 1414 نومىرىنەن دەربەس دەرەكتەرگە قول جەتكىزۋگە سۇراۋ سالۋ حابارلاماسى كەلىپ تۇسەدى. ايتا كەتەيىك، SMS ەلەكتروندىق ۇكىمەت پورتالىنىڭ جەكە كابينەتىندە تىركەلگەن تەلەفون نومىرىنە جىبەرىلەدى»، — دەلىنگەن حابارلامادا.
اۆتوريزاسيادان ءساتتى وتكەننەن كەيىن جۇرگىزۋشىگە ۇمىتكەر بيومەتريالىق سايكەستەندىرۋدەن ءوتۋى كەرەك.
جاڭاشىلدىق بۇگىننەن باستاپ كۇشىنە ەندى، ءبىراق ازىرگە تەك استانادا. ەلىمىزدىڭ بارلىق مامانداندىرىلعان حقكو-لارىندا جاڭا ءراسىمدى ەنگىزۋدى جىل سوڭىنا دەيىن اياقتاۋ جوسپارلانۋدا.
ەكى فاكتورلى اۋتەنتيفيكاسيا ەمتيحاندارداعى بۇزۋشىلىقتاردىڭ سانىن ازايتۋعا كومەكتەسۋى كەرەك.
پىكىر قالدىرۋ