ۇلتتىق ستاتيستيكا بيۋروسىنىڭ اقپاراتىنا سايكەس، 2024 جىلدىڭ توعىز ايىندا ەلىمىز بويىنشا ازىق-تۇلىك تاۋارلارىنىڭ باعاسى ورتاشا ەسەپپەن 2،9%-عا كوتەرىلدى.
- نان 6،2%-عا قىمباتتادى. ونىڭ ىشىندە قارا بيداي نانى – 8،4%، جوعارى سۇرىپتى بيداي نانى – 6،4%، ءبىرىنشى سۇرىپتى بيداي نانى – 5،4% قىمباتتاعان. ءسۇت ونىمدەرىنىڭ باعاسى 4،3%-عا ءوستى. اشىتىلعان ءسۇت ونىمدەرى - 4،8%، ىرىمشىك پەن سۇزبە – 2،7% قىمباتتادى، - دەلىنگەن مالىمەتتە.
ال ەت جانە ەت ونىمدەرىنىڭ باعاسى جىل باسىنان بەرى 2،6% ءوستى. قۇس ەتى – 4،7%-عا، شۇجىق ونىمدەرى – 4،1%-عا، ەت ونىمدەرى – 2،6%-عا، شوشقا ەتى – 2%-عا، سيىر ەتى – 1،9%-عا، جىلقى ەتى – 1،2%-عا قىمباتتادى.
پىكىر قالدىرۋ