قىركۇيەك ايىنىڭ قورىتىندىسى بويىنشا قازاقستاننىڭ جالپى حالىقارالىق رەزەرۆتەرى رەكوردتىق 107،2 ملرد دوللارعا جەتتى. ۇلتتىق بانكتىڭ التىن-ۆاليۋتا رەزەرۆتەرى جىل باسىنان رەكوردتىق ءمان – 44،5 ملرد دوللارعا نەمەسە 23،6%-عا ۇلعايدى. ۇلتتىق قوردىڭ اكتيۆتەرى جىل باسىنان 4،5 پايىزعا ۇلعايىپ، 62،7 ملرد دوللار بولدى. ۇلتتىق قوردىڭ تۇسىمدەرى مەن الىمدارىنىڭ بالانسى تەرىس قالىپتاسىپ كەلەدى. ياعني الىمدار تۇسىمدەردەن اسىپ جاتىر. بۇل جاعدايدا قور قاراجاتىنىڭ ءوسىمىن قولداپ تۇرعان جالعىز فاكتور – ينۆەستيسيالىق تابىس. ول 9 ايدا 10،27%، ياعني 6،16 ملرد دوللارعا جەتتى، - دەدى تيمۋر سۇلەيمەنوۆ.

ۇلتتىق بانك باسشىسى قىركۇيەكتە تەڭگەنىڭ ايىرباستاۋ باعامى 1 دوللار ءۇشىن 481،11 تەڭگەگە دەيىن، ياعني 0،1%-عا ازداپ نىعايعانىن ايتادى. الايدا، جىلدىڭ باسىنان بەرى 5،8%-عا السىرەگەن.

ترانسفەرتتەردى قامتاماسىز ەتۋ ءۇشىن قىركۇيەكتە ۇلتتىق قوردان رەسپۋبليكالىق بيۋدجەتكە 945 ملن دوللار ۆاليۋتا ساتۋ تەڭگەگە قولداۋ كورسەتتى. سونداي-اق، ۇلتتىق بانكتىڭ «قازاتومونەركاسىپ» اق اكسيالارىن ساتىپ الۋىنىڭ ۆاليۋتا نارىعىنا ىقتيمال تەرىس اسەرىن تەڭەستىرۋ اياسىندا ءبىز 241،5 ملن دوللارىن ساتتىق، - دەدى سۇلەيمەنوۆ.