بۇگىن ءماجىلىس وتىرىسى بارىسىندا دەپۋتاتتار ەلدەگى الاياقتىق جاعدايلارىنىڭ جيىلەپ كەتۋ تاقىرىبىن كوتەردى. سيفرلاندىرۋ ۆيسە-مينيسترى اسحات ورازبەك ۆەدومستۆونىڭ SIM-كارتالاردى ءبىر قولعا ساتۋدى شەكتەۋ تۋرالى ۇسىنىسپەن شىعۋ نيەتى تۋرالى مالىمدەدى.
"ءقازىر الاياقتار الەۋمەتتىك جەلىلەردە جۇمىس ىستەيدى. نەگىزىنەن WhatsApp-تى قولدانادى. ءبىراق WhatsApp بايلانىس وپەراتورلارىن بۇعاتتاي المايدى (...) ۇيالى نومىرلەر جوسپارىن مەملەكەتكە قايتارۋ ءۇشىن زاڭنامالىق باستاما كوتەرەمىز (...) ءبىز نومىرلىك جوسپاردى مەملەكەتكە قايتارامىز جانە ازاماتتار ەلەكترون ۇكىمەت پورتالىندا نەمەسە eGov mobile قوسىمشاسى ارقىلى ۇيالى تەلەفون نەمەس قالالىق بايلانىس ءنومىرىن الادى. سونىمەن قاتار، ءبىر ادام الاتىن SIM-كارتالار سانىن شەكتەيمىز. ال ەندى كوممەرسيالىق ماقساتتا SIM-كارتالاردى باقىلاۋسىز الاتىن زاڭدى تۇلعالار - ولار ءار ءنومىر ءۇشىن ونى پايدالانۋىن نەگىزدەۋى كەرەك بولادى. الداعى ۋاقىتتا وسىنداي باستامالارمەن سىزدەرگە كەلەمىز"، - دەدى رەسمي وكىل.
