ەندى جۇمىس بەرۋشىلەر شتاتتان تىس قىزمەتكەرلەرى ءۇشىن دە الەۋمەتتىك تولەمدەر اۋدارىپ، دەكرەت دەمالىسىنا، جۇمىسسىزدىق بويىنشا جاردەماقى مەن مەملەكەتتىك الەۋمەتتىك ساقتاندىرۋ قورىنان تولەنەتىن وزگە دە تولەمدەردى وتەيدى.
بۇل جاڭاشىلدىق ازاماتتىق-قۇقىقتىق سيپاتتاعى شارت بويىنشا جۇمىسقا تۇرعان ءاربىر قازاقستاندىققا قاتىستى. باستاما وسىدان 2 جىل بۇرىن قولعا الىنعان. الەۋمەتتىك كودەكستەگى وزگەرتۋلەر ەندى 2025 جىلدىڭ 1 قاڭتارىنان باستاپ كۇشىنە ەنۋگە ءتيىس.
ايتا كەتسەك، ازىرگە شتاتتان تىس قىزمەتكەرلەرگە مەملەكەتتىك الەۋمەتتىك ساقتاندىرۋ قورىنان تولەمدەر اۋدارىلمايدى.
