الماتىدا 2024 جىلدىڭ 24 جەلتوقسانىندا تاي بوكسىنان (مۋاي-تاي) الەم چەمپيونى بولعان 20 جاستاعى سەرىك ءاليدى پىشاقتاپ ءولتىردى.
- "مۋاي-تايدان الەم چەمپيونى سەرىك ءالي بۇزاقىلاردىڭ قولىنان قازا تاپتى. چەمپيونىمىزدىڭ وتباسى مەن جاقىندارىنا كوڭىل ايتامىز"، — دەپ حابارلادى فەدەراسيا.
2022 جىلى الماتىداعى №186 مەكتەپتىڭ وقۋشىسى سەرىك ءالي 51 كەلى سالماقتا مۋاي-تايدان ەرەسەكتەر اراسىنداعى ەڭ جاس الەم چەمپيونى اتانىپ، "حالىقارالىق سپورت شەبەرى" اتاندى.
2016 جىلى ول العاش رەت مۋايتايدان قازاقستان چەمپيونى اتاندى. 2017 جىلى كيكبوكسينگتەن رەسپۋبليكالىق كەزەڭنىڭ جەڭىمپازى اتاندى. سپارتاكيادا جەڭىمپازى جانە 2018 جىلعى سولتۇستىك كۋبوگىنىڭ يەگەرى.
2016-2022 جىلدارى قازاقستاننىڭ بىرنەشە سپورت تۇرىنەن بىرنەشە مارتە جەڭىمپاز اتانعان. قىرعىزستان چەمپيوناتىنىڭ ەكى دۇركىن جەڭىمپازى.
2021 جىلى NOMAD MMA بويىنشا الەم چەمپيونى اتاندى. 24 جەلتوقساندا الماتىنىڭ "شۇعىلا" ىقشام اۋدانىندا 20 جاستاعى جىگىتتىڭ جانجال كەزىندە پىشاقتالىپ قازا تاپقانى حابارلانعان بولاتىن. ناۋرىزباي اۋداندىق ىشكى ىستەر ءبولىمى كىسى ءولتىرۋ دەرەگى بويىنشا قىلمىستىق ءىس قوزعادى. كۇدىكتى قاماۋعا الىندى.
پىكىر قالدىرۋ