شەتەلدە جۇرگەن LRT-نىڭ بۇرىنعى باسشىسى تالعات اردان وزىنە قاتىستى سوت ۇكىمىمەن كەلىسپەي، اپپەلياسيالىق شاعىم تۇسىرگەن ەدى.
تالعات اردان اۋىر سالدارعا الىپ كەلگەن قىزمەتتiك وكiلەتتiكتەرiن تەرىس پايدالانعانى ءۇشىن سىرتتاي كىنالى دەپ تانىلىپ، 7 جىلعا باس بوستاندىعىنان ايىرىلعان ەدى. سوت ماتەريالدارىنا سايكەس، ول "استانا LRT" ج ش س باسقارما ءتوراعاسى قىزمەتىن اتقارعاندا LRT قۇرىلىسىن ىسكە اسىرۋ جۇمىستارىن بۇزعان.
سونىڭ سالدارىنان قىتايدىڭ مەملەكەتتىك دامۋ بانكىنەن الىنعان 257،6 ملن اقش دوللارى قايتارىلعان جوق. وسىلايشا، 2016 جىلعى ۆاليۋتالاردىڭ رەسمي باعامىنا بويىنشا 85،9 ملرد. تەڭگە ماقساتسىز جۇمسالعان. تالعات اردان سوت ۇكىمىمەن كەلىسپەي، ءوزىنىڭ ادۆوكاتى ارقىلى اپەللياسيالىق شاعىم ءتۇسىرىپ، ءوزىن اقتاۋدى سۇرادى.
"استانا قالالىق سوتىنىڭ قىلمىستىق ىستەر جونىندەگى سوت القاسىنىڭ 2024 جىلعى 25 جەلتوقسانداعى قاۋلىسىمەن سوت ۇكىمى وزگەرىسسىز، اپەللياسيالىق شاعىم قاناعاتتاندىرۋسىز قالدىرىلدى، ويتكەنى سوتتالعاننىڭ كىناسى جابىرلەنۋشى وكىلىنىڭ، كۋاگەرلەردىڭ ايعاقتارىمەن، ساراپتامالاردىڭ قورىتىندىلارىمەن جانە باسقا دا ماتەريالدارمەن دالەلدەندى"، - دەلىنگەن رەسمي حابارلامادا.
تەرگەۋ شارالارى بارىسىندا تالعات اردان تۇركيادا جاسىرىنىپ ءجۇر دەگەن اقپارات تاراعان. انتيكور ونى شاقىرۋ تۋرالى حابارلامانى بۇقارالىق اقپارات قۇرالدارىندا جاريالادى.
پىكىر قالدىرۋ