ماڭعىستاۋ وبلىسىنىڭ پروكۋراتۋراسى "ماڭعىستاۋمۇنايگاز" كومپانياسىنا 32 ميلليارد ايىپپۇل سالىنعانىن مالىمدەدى.
پروكۋراتۋرانىڭ دەرەگىنشە، "ماڭعىستاۋمۇنايگاز" اق-نىڭ قىزمەتىندە اعىندى سۋلاردى جەر قويناۋىنا جىبەرۋ، سونداي-اق ءتيىستى شەكتەۋ ورناتپاي بۇرعىلاۋ قالدىقتارىن جيناقتاۋمەن بايلانىستى ورەسكەل زاڭ بۇزۋشىلىقتار انىقتالدى.
"پروكۋرورلار قولدانعان شارالار بارىسىندا سوتتىڭ 2024 جىلعى 4 جەلتوقساندا شىققان قاۋلىسىمەن كومپانيا اكىمشىلىك قۇقىق بۇزۋشىلىق تۋرالى كودەكستىڭ 328-بابىمەن (قورشاعان ورتاعا جول بەرىلەتىن انتروپوگەندىك اسەر ەتۋ نورماتيۆتەرىن بۇزۋ) اكىمشىلىك جاۋاپقا تارتىلىپ، 31 ميلليارد تەڭگە كولەمىندە ايىپپۇل سالىندى. سوت اكتىسى زاڭدى كۇشىنە ەندى. سونىمەن قاتار مۇناي جىلىتۋ پەشتەرىنەن قورشاعان ورتاعا لاستاۋشى زاتتاردىڭ شامادان تىس شىعارىلۋ فاكتىسى دە انىقتالدى"، – دەلىنگەن حابارلامادا.
اتالعان فاكت بويىنشا بىلتىر 11 جەلتوقساندا كومپانيا قوسىمشا اكىمشىلىك جاۋاپقا تارتىلىپ، 1،2 ميلليارد تەڭگە ايىپپۇل سالىندى.
پىكىر قالدىرۋ