سوت قالا تۇرعىنىن بىرنەشە رەت لاۋازىمدى تۇلعالارعا پارا بەرگەنى ءۇشىن كىنالى دەپ تانىپ، 240 ميلليون تەڭگەدەن استام ايىپپۇل سالعان. سوتتالعان ازامات سوت ورىنداۋشىسىنا ايىپپۇلدىڭ 196 ميلليون تەڭگە كولەمىندەگى بولىگىن وتەگەنى تۋرالى تۇبىرتەكتەردىڭ كوشىرمەلەرىن ۇسىنعان.
نۇرا اۋدانى پروكۋراتۋراسىنىڭ تالداۋى بارىسىندا بۇل سومانىڭ مەملەكەت كىرىسىنە تۇسپەگەنى جانە ايىپپۇل تولەنبەگەنى انىقتالدى، ال تۇبىرتەكتەردىڭ قولدان جاسالعانى بەلگىلى بولدى.
"پروكۋراتۋرا نۇسقاۋى بويىنشا سوت ورىنداۋشىسى سوتقا ايىپپۇلدى باس بوستاندىعىنان ايىرۋ جازاسىنا اۋىستىرۋ تۋرالى ءوتىنىش ءبىلدىردى، بۇل ءوتىنىش قاناعاتتاندىرىلدى. ايىپپۇل جازاسى 7 جىلعا باس بوستاندىعىنان ايىرۋ جازاسىنا اۋىستىرىلدى"، – دەپ حابارلادى قاداعالاۋ ورگانىندا.
پىكىر قالدىرۋ