سوڭعى 3 جىلدا ەلدەگى كولىكتەردىڭ تەحنيكالىق تەكسەرۋدەن وتكىزىلگەنىن راستايتىن 4000-نان استام قۇجات جالعان دەپ تانىلىپ، زاڭدى كۇشىن جويدى، - دەپ حابارلايدى Qamshy.kz 24kz-كە سىلتەمە جاساپ.

سەبەبى وسى ۋاقىتقا دەيىن كوپ جۇرگىزۋشى تەمىر تۇلپارىن ارنايى ورتالىققا اپارماي،  قاشىقتان زاڭسىز قۇجات جاساتىپ كەلگەن. ولقىلىقتى تۇزەۋ ءۇشىن بيىل ءساۋىر ايىنان باستاپ ەلدە كولىكتى تەحنيكالىق بايقاۋدان وتكىزۋ تالابى كۇشەيتىلەدى. تەكسەرۋ كەزىندە ماماندار كولىكتىڭ قۇجاتتاعى فوتوسۋرەتىنە قارايدى. ەگەر ارنايى باعدارلاما ارقىلى وڭدەلگەنى نەمەسە بەلگىلى ءبىر تۇستارى وزگەرتىلگەنى انىقتالسا، تاپسىرىس بەرۋشى دە، ونى ورىنداۋشى دا اكىمشىلىك جاۋاپكەرشىلىككە تارتىلادى.

 سونداي-اق تەحنيكالىق بايقاۋ ورتالىقتارى كولىكتىڭ جارامدىلىعىن راستاۋعا ارنالعان قۇرىلعىلاردىڭ، بىلىكتى مامانداردىڭ جانە جالپى ستاندارتقا ساي عيماراتتىڭ بارىن جەرگىلىكتى جەردەگى قۇزىرلى ورگاندارعا دالەلدەۋى كەرەك. ايتپەسە، ولاردىڭ قىزمەتى زاڭسىز دەپ تانىلادى.
    «ق ر تەحنيكالىق بايقاۋ وپەراتورلارىنىڭ وداعى» زاڭدى تۇلعالار مەن جەكە كاسىپكەرلەر بىرلەستىگى قاۋىمداستىعىنىڭ پرەزيدەنتى باۋىرجان شايدوللا:

 - 2012 جىلدان باستاپ سول پارامەترلەر بارلىعى كىرىپ وتىر. قازىرگى بۇيرىقپەن «حابارلاندىرۋ» تالابى كەتەدى دە، «رۇقساتناما» تالابى كەلەدى. عيماراتتى كەلىپ، تەكسەرىپ، قابىلدايدى. سودان كەيىن عانا رەەسترگە كىرگىزەدى. فوتوشوپى بولدى، تالاپقا سايكەس كەلمەيتىن تەحنيكالىق بايقاۋ قۇجاتتارى انىقتالدى، - دەيدى.