قىزىلوردا اكىمدىگى ۇشاقتا جولاۋشىنى قۇتقارىپ قالعان ستۋدەنتتى ماراپاتتادى.
وبلىس اكىمى بولاشاق دارىگەر دىنمۇحاممەد بەكتۇرعاننىڭ اتا-اناسىن جەكە قابىلداپ، "العىس حات" تابىستاپ، زور ريزاشىلىعىن ءبىلدىردى.
“نۇربولات جانە عاليا نۇرسەيىتوۆا بالاسىنا جاقسى تاربيە بەرىپ، ۇلىنىڭ مەديسينالىق ۋنيۆەرسيتەتتە اقىلى تۇردە ءبىلىم الۋىنا ەڭبەك ەتىپ جۇرگەن جاندار. قازىرگى تاڭدا دىنمۇحاممەد 7-كۋرس ستۋدەنتى. ول تاعى 3 جىل رەزيدەنتۋرا وقۋعا نيەتتى”، – دەلىنگەن حابارلامادا.
سونىمەن قاتار ۇشاقتا جولاۋشىنىڭ ءومىرىن ساقتاپ قالعانى ءۇشىن دىنمۇحاممەدتىڭ وقۋ اقىسىن قىزىلوردا اكىمدىگى تولەپ بەرمەك.
ەسكە سالساق، قىزىلوردا–استانا باعىتىنداعى رەيستە جولاۋشى ەسىنەن تانىپ، جۇرەگى مەن تىنىسى توقتاعان. استانا مەديسينالىق ۋنيۆەرسيتەتىنىڭ ينتەرنى دىنمۇحاممەد بەكتۇرعان شۇعىل كومەك كورسەتىپ، جۇرەك-وكپە رەانيماسياسىن جاساپ، جولاۋشىنىڭ ءومىرىن ساقتاپ قالعان بولاتىن.
پىكىر قالدىرۋ