شقو اكىمى ەرمەك كوشەربايەۆ ىشكى ساياسات باسقارماسىنىڭ جاڭا باسشىسىن تاعايىندادى
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن وبلىس اكىمىنىڭ وكىمىنە سايكەس شىعىس قازاقستان وبلىسىنىڭ ىشكى ساياسات باسقارماسىنىڭ باسشىسى بولىپ ەرنۇر بۋراحان تاعايىندالدى.
ەرنۇر بۋراحان – تاجىريبەلى مامان، جۋرناليستىك قىزمەتتەن مەديا مەنەدجەر دەڭگەيىنە دەيىن كوتەرىلگەن. ءتورت جوعارى ءبىلىمى بار.
ءار جىلدارى شقو اكىمىنىڭ، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ، «سامۇرىق-قازىنا» جىلجىمايتىن مۇلىك قورىنىڭ باسپا ءسوز حاتشىسى، شقو ىشكى ساياسات باسقارماسى باسشىسىنىڭ ورىنباسارى، اقتوبە وبلىسى اكىمى اپپاراتى باسشىسىنىڭ ورىنباسارى قىزمەتتەرىن اتقارعان.
«Aqtobe» ايماقتىق تەلەكومپانياسىنىڭ باس ديرەكتورى جانە «Qazaq radiolary» ءجشس-نىڭ باس ديرەكتورى لاۋازىمدارىندا قىزمەت ەتكەن.
2023 جىلدان باستاپ وسى ۋاقىتقا دەيىن شىعىس قازاقستان وبلىسى اكىمىنىڭ كەڭەسشىسى قىزمەتىن اتقاردى.
پىكىر قالدىرۋ