ەلىمىزدىڭ قۇرلىق اسكەرلەرىنىڭ قولباسشىلىعى جەتىسۋ وبلىسىنداعى اسكەري بولىمدە قازا تاپقان جاس ساربازدىڭ ولىمىنە قاتىستى پىكىر ءبىلدىردى.
ۆەدومستۆو 14 قاڭتاردا سارىوزەك گارنيزونىندا جاۋىنگەرلىك دايارلىق بويىنشا دالالىق وقۋ-جاتتىعۋ ساباقتارى بارىسىندا مەرزىمدى قىزمەتتەگى قاتارداعى اسكەري قىزمەتكەردىڭ قارۋمەن جۇمىس ىستەۋ ەرەجەلەرىن بۇزۋ ناتيجەسىندە ولىمگە اكەلەتىن جاراقاتىن العانىن راستادى.
"اتالعان فاكتى بويىنشا قىلمىستىق ءىس قوزعالدى. سەبەپتەرى مەن جاعدايلارى انىقتالۋدا. تەرگەۋ شارالارى جۇرگىزىلۋدە. وقيعا ورنىندا قۇرلىق اسكەرلەرىنىڭ باس قولباسشىسى باستاعان ارنايى كوميسسيا جۇمىس ىستەيدى"، - دەلىنگەن حابارلامادا.
قىزمەتتە بۇل ساربازعا وڭ باعا بەرىلگەن. ءبولىم قولباسشىلىعىندا وعان قاتىستى ارىز-شاعىم بولماعانى اتاپ ءوتىلدى. قىزمەتتىك مىندەتتەرىن دە تولىق ورىنداعان.
"اتا-اناسىنىڭ ورنى تولماس قايعىسىن تۇسىنەمىز. ءار كوماندير ءۇشىن دە اسكەري قىزمەتكەردىڭ قازاسى قايعىلى جاعداي. قۇرلىق اسكەرلەرىنىڭ قولباسشىلىعى اسكەري قىزمەتكەردىڭ تۋىستارى مەن جاقىندارىنا قايعىرىپ كوڭىل ايتادى. ولارعا بارلىق قاجەتتى كومەك كورسەتىلەدى"، – دەپ تولىقتىردى قولباسشى.
پىكىر قالدىرۋ