الماتىداعى ءمايىتحانا كۇزەتشىسى قايتىس بولعان ادامداردىڭ دەنەلەرىن قورلادى دەپ ايىپتالعان ءىس بويىنشا سوت شەشىمى شىقتى.

ەر ادام بىرنەشە رەت قايتىس بولعان ادامداردىڭ دەنەلەرىنە قول جۇگىرتىپ، ينتيم جەرلەرىن ۇستاعانى ءۇشىن ايىپتالعان. سونىمەن قاتار، ول بۇل ارەكەتتەردى ۆيدەوعا تۇسىرگەنى انىقتالدى.

سوت تالقىلاۋى بارىسىندا ەر ادامنىڭ اقىل-ەسى دۇرىس ەمەس ەكەنى بەلگىلى بولدى. وسىعان بايلانىستى ول قىلمىستىق جاۋاپكەرشىلىكتەن بوساتىلدى.

"قازاقستان رەسپۋبليكاسى قىلمىستىق كودەكسىنىڭ 16-بابىنا سايكەس ب.-نى ق ر قك-نىڭ 314-بابى 2-بولىگى 1-تارماعى ("قايتىس بولعان ادامداردىڭ دەنەلەرىن جانە ولاردىڭ جەرلەنگەن ورىندارىن قورلاۋ") بويىنشا قىلمىستىق جاۋاپكەرشىلىكتەن بوساتۋ جانە قىلمىستىق ءىستى توقتاتۋ. ق ر قك-نىڭ 91-بابى 1-بولىگى 1-تارماعىنا، 93-بابى 1-بولىگى 3-تارماعىنا سايكەس ايىپتالۋشىعا ارنايى پسيحياتريالىق ستاسيونار جاعدايىندا ءماجبۇرلى ەمدەۋ تۇرىندەگى مەديسينالىق ماجبۇرلەۋ شارالارىن قولدانۋ تاعايىنداۋ"، – دەلىنگەن سۋديا شەشىمىندە.

2024 جىلعى ساۋىردە الماتىداعى ءمايىتحانادا نەكروفيليا دەرەگى بەلگىلى بولدى. ءمايىتحانانىڭ كۇزەتشىسى ۇستالدى. كەيىن جاڭا مالىمەتتەر انىقتالدى: نەكروفيلياعا كۇدىكتى قىزمەتكەر رەسمي تۇردە جۇمىسقا الىنباعان ەكەن.