ەكولوگيا جانە تابيعي رەسۋرستار ءمينيسترى ەرلان نىسانبايەۆ كولىكتى 5 مينۋتتان استام قىزدىرسا، ەكولوگياعا قانداي زيان كەلەتىنىن ايتتى.

بۇل نورما جالپى زاڭدا بار، بۇرىن پايدالانىلعان جوق. ەرەجە 20 جىلدان استام ۋاقىت بار. ارينە، ەلدى مەكەندەردىڭ ەكولوگيالىق جاعدايىن تۇزەۋ ءۇشىن بوستان-بوس قىزىپ تۇرعان كولىكتى تارتىپكە كەلتىرۋ ماسەلەسىن قولدايمىز، - دەدى مينيستر ۇكىمەت وتىرىسىنان كەيىن وتكەن باسپا ءسوز ءماسليحاتىندا.

نىسانبايەۆ بۇل ايىپپۇل سالىپ، بيۋدجەتكە ءتۇسىمدى كوبەيتۋدىڭ ماسەلەسى ەمەس ەكەنىن اتاپ ءوتتى.

ال بۇگىنگى بولىپ جاتقان جاعداي ايىپپۇل سالىپ، بيۋدجەتكە ءتۇسىمدى كوبەيتۋدىڭ ماسەلەسى ەمەس. جالپى ءبىز ماسەلەلەردى جان-جاقتى قاراستىرىپ جاتىرمىز. مىسالى، الماتى قالاسىنىڭ كىرە بەرىستەرىندە 19 ەكولوگيالىق پوست قويدىق. استانا مەن الماتىنىڭ وزىندە عانا 600-700 مىڭداي تىركەلگەن بولسا، كۇنىنە كىرەتىن كولىكتىڭ سانى 400 مىڭنان استام. سونىڭ ءبارى ەكولوگيالىق تۇرعىدان قاراعاندا قوزعالتقىشى بوستان-بوسقا سوندىرىلمەگەن كولىك، ارينە، قورشاعان ورتانى لاستاۋعا ۇلەس قوسادى. سول سەبەپتەن ءبىز ونى ەكى قولمەن قولدايمىز، - دەيدى ەكولوگيا ءمينيسترى.