"Higgsfield AI" قازاقستاندىق ينجەنەرلەر جاساعان جاساندى ينتەللەكت سالاسىنداعى كومپانيالاردىڭ ءبىرى.
كومپانيانىڭ ماقساتى وزىق تەحنولوگيالاردى ازىرلەپ، قازاقستاننىڭ جاھاندىق ەكونوميكاداعى پوزيسيالارىن نىعايتۋ.
ءبىزدىڭ كوماندامىزدا 22 AI-ينجەنەر جۇمىس ىستەيدى. ولار قازاقستانداعى جوعارى وقۋ ورىندارىنىڭ تۇلەكتەرى. اراسىندا 6 حالىقارالىق فيزيكا جانە ماتەماتيكا وليمپيادالارىنىڭ جەڭىمپازدارى بار. ادەتتە، وسىنداي ماماندار شەتەلگە كەتىپ قالادى، ءبىراق ءقازىر ولار ەلىمىزدىڭ يگىلىگى ءۇشىن ەڭبەك ەتىپ جاتىر. اۋىز تولتىرىپ ايتار جەتىستىكتەرىمىز دە كوپ. ءبىزدىڭ نەيروجەلىلەر 512 GPU NVIDIA بار سۋپەركومپيۋتەردە 9 پەتابايت كولەمىندەگى دەرەكتەر جيىنتىعىندا وقىتىلدى. 9 اي ىشىندە ءبىز ەكى ءونىمدى ىسكە قوستىق. ولار حالىقارالىق دەڭگەيدە مويىندالدى. بۇل جەتىستىكتەر بىزگە Google نۇسقاسى بويىنشا الەمدەگى ۇزدىك 25 ستارتاپ قاتارىنا كىرۋگە مۇمكىندىك بەردى، - دەيدى "Higgsfield" كومپانياسىنىڭ باس ديرەكتورى ەرزات دۋلات.
ونىڭ ايتۋىنشا، "Higgsfield AI" ازىرلەگەن ءونىم ءماتىندى بەينەگە اينالدىرۋعا قولايلى.
ءبىز ەكى ءونىم ازىرلەدىك. ءبىرىنشىسى - بەينە جانە ماتىندەر جاساۋ پروسەسىن جەڭىلدەتەتىن ءموبيلدى كونتەنت ستۋديا بولسا، ەكىنشىسى - بيزنەستەر مەن ءبىلىم بەرۋ سالاسىنا جاڭا مۇمكىندىكتەر اشاتىن كونتەنت گەنەراسياسىنىڭ پلاتفورماسى. Diffuse دەپ اتالاتىن قوسىمشا - ءماتىندى بەينەگە اينالدىرۋعا ارنالعان ارنايى مودەلگە نەگىزدەلگەن. ول سونداي-اق بەينەلەردى باسىنان باستاپ جاساۋعا نەمەسە سەلفي ءتۇسىرىپ، سول ادام قاتىساتىن بەينەبايان قۇراستىرۋعا مۇمكىندىك بەرەدى. بارلىق دايىندالعان ونىمدەر كوماندا تاراپىنان جۇزەگە اسىرىلادى، بۇل قازاقستاننىڭ يي مەكتەبىنىڭ الەۋەتىن كورسەتەدى،-دەيدى ول.
قازىرگى ۋاقىتتا "Higgsfield AI" ۇسىنعان ونىمدەردى 2 ميلليوننان استام ادام پايدالانادى. كومپانيا AI-ۇيىمدارىنىڭ توپ-185 قاتارىنا ەنگەن.
قازاقستان ءجي-دىڭ پايداسىن كورەتىن ەلدەر قاتارىنا قوسىلۋى ءتيىس. جاپونيا مەن كورەيا XX عاسىردىڭ تەحنولوگيالىق يننوۆاسيالارىندا ءوز ورنىن تاپسا، ءبىز دە وسى مۇمكىندىكتەر تەرەزەسىن پايدالانىپ، ءجي-دى قازاقستاننىڭ الەمدىك ەكونوميكاعا قوسقان ۇلەسى ەتىپ قالىپتاستىرامىز،-دەيدى ەرزات دۋلات.
پىكىر قالدىرۋ