بۇل تۋرالى ادۆوكاتتار Instagram-دا جازدى.
"2025 جىلعى 17 قاڭتاردا ءبىز تەرگەۋ ارەكەتتەرىنىڭ اياقتالعانى تۋرالى رەسمي حابارلاما الدىق. بۇل سوتقا دەيىنگى تەرگەۋدىڭ اياقتالعانىن بىلدىرەدى. جۇمىسىمىزداعى ماڭىزدى كەزەڭدەردىڭ ءبىرى ارتتا قالدى. ەندى كەلەسى ماڭىزدى كەزەڭ – قىلمىستىق ءىس ماتەريالدارىمەن تانىسۋدى باستايمىز"، - دەلىنگەن حابارلامادا.
بۇعان قاتىستى الماتى وبلىستىق پوليسيا دەپارتامەنتىنىڭ باسپا ءسوز قىزمەتى:
"وتكەن جىلى 4 قازانعا قاراعان ءتۇنى بولعان كامەلەتكە تولماعان ادامدى ءولتىرۋ فاكتىسى بويىنشا قىلمىستىق ءىستى تەرگەۋ اياقتالدى. قازىرگى ۋاقىتتا تاراپتاردى سوتقا دەيىنگى تەرگەۋ ماتەريالدارىمەن تانىستىرۋ پروسەسى ءجۇرىپ جاتىر. تاراپتار تانىسقاننان كەيىن قىلمىستىق ءىس ونىڭ زاڭدىلىعىن تەكسەرۋ جانە سوتقا جىبەرۋ تۋرالى ماسەلەنى شەشۋ ءۇشىن پروكۋرورعا جىبەرىلەدى"، — دەپ حابارلادى.
پىكىر قالدىرۋ