مۇنداي شەشىم كەڭەس وداعى تۇسىندا بولعان. ەندى قازاقستاندا بالاسى جوقتارعا سالىق ەنگىزۋ ماسەلەسى قايتادان تالقىعا سالىنۋدا.

ءماجiلiس دەپۋتاتى بولات كەرىمبەكتىڭ سوزىنشە، قازاقستاندىق قىزدار انا بولۋدان سانالى تۇردە باس تارتىپ جاتىر. 

– ماتەريالدىق قۇندىلىقتار مورالدىق قۇندىلىقتان اسىپ كەتىپ جاتىر، ويتكەنى وتباسىنىڭ باستى ماقساتى – ۇرپاق اكەلۋ جانە تاربيەلەۋ، ۇرپاق جالعاستىرۋ، رۋحاني قۇندىلىقتاردى ۇرپاقتان-ۇرپاققا جەتكىزۋ. ۋاقىتىندا ۇيلەنىپ، بالالى بولۋ كەرەك. قازاقستاندىق قىزداردىڭ انا بولۋدان سانالى تۇردە باس تارتىپ، "ءوزى ءۇشىن" ءومىر ءسۇرۋدى قالايتىنى الاڭداتادى، – دەيدى ول. 

ساراپشىلار مۇنداي شەشىمدەر جاستاردىڭ ەلدەن كوشۋىنە سەبەپ بولۋى مۇمكىن ەكەنىن العا تارتادى. سوندىقتان، سالىق سالۋ ماسەلەنى تۇبەگەيلى شەشپەيدى. ەڭ ءبىرىنشى، وتباسى مەن بالالاردىڭ ءومىر سۇرۋىنە لايىقتى جاعداي جاساۋ كەرەك. د.سەرىكپايەۆ "سيفرلىق الەۋمەتتىك زەرتتەۋلەر" عىلىمي-زەرتتەۋ ورتالىعىنىڭ باسشىسى جاننا اۋباكىروۆا دا وسىنداي پىكىردە. 

– ودان دا دۇنيەگە كەلگەن بۇلدىرشىندەر جاعدايى، مەكتەپكە دەيىنگى مەكەمەلەر، ياعني بالاباقشالار مەن قوسىمشا ءبىلىم بەرۋ ينستيتۋتتارى، ورتا جانە جوعارى ءبىلىم وقۋ ورنى، جاستاردى جۇمىس ورىندارىمەن قامتاماسىز ەتۋ ماسەلەلەرى نازارعا الىنسىن، – دەدى ول. 

P.S. كەڭەس وداعىندا 1992 جىلعا دەيىن ەرلەر مەن ايەلدەر بالالى بولماعانى ءۇشىن جالاقىسىنىڭ پايىزىن تولەپ وتىرعان.