Kozachkov offside تەلەگرام ارناسىنىڭ مالىمەتىنشە، بەلارۋس ازاماتشاسىنىڭ قىلمىسىن اشكەرەلەۋگە ۋكراينالىق ازامات كومەكتەسكەن. ول تىكەلەي ەفير بارىسىندا ايەلدىڭ سوزدەرىن ۆيدەوعا جازىپ الادى.
الماتىنىڭ 38 جاستاعى تۇرعىنى تاتيانا مەزينا "چات-رۋلەتكادا" قازاقتار دارەتحاناعا بارۋدى ورىستاردان ۇيرەنگەنىن ايتادى. 
"كەڭەس وكىمەتى كەلگەننەن كەيىن ورىستار قازاقتاردى كيىز ۇيدەن شىعارىپ الدى. كيىز ءۇيدىڭ ارتىنا ەمەس اجەتحانانى كورسەتىپ، سوندا دارەت سىندىرۋعا بولاتىنىن ۇيرەتتى.  ءتىپتى ولار "دارەتحانا قاعازىن قولدانۋعا بولادى ەكەن عوي. ءبىز سۋ قولدانامىز" دەپ تاڭىرقاستى. مىنە، ورىستار قازاقستانعا ءوز مادەنيەتىن الىپ كەلدى. باسقا سىرتتان كەلگەندەرگە قاراعاندا قازاقستانعا ورىس ۇلتى كەشىرەك دامىدى" دەدى الەۋمەتتتىك جەلىدە ايتقان سوزىندە. 
بۇدان سوراقىسى، قازاقستاننىڭ رەسەيگە قايتا ورالعانىن، رەسەيدىڭ قاراماعىنا وتكەنىن قالايسىز با؟ دەگەن سۇراقتارعا سوتتالۋشى: 
- ءيا، ءدىنىمدى اۋىستىرامىن. بەلارۋستى دە السىن، ءبارىن السىن. ءبىر ەل بولايىق! قازاقستان رەسەي بولسىن! دەپ جاۋاپ بەرگەن.
سوت بارىسىندا ايەل ءوز كىناسىن تولىق مويىنداپ، سول كەزدە ماس بولعاندىقتان، بوس ءسوز ايتقانىن. ءارى ىسىنە وكىنەتىنىن جەتكىزە وتىرىپ، ءوزىن با بوستاندىعىنان ايىرماۋدى سۇراعان.  
سۋديا زالينا ماحارادزە  سوتتالۋشىنىڭ ۇستانىمىن ەسكەرىپ، ونى 2 جىلعا باس بوستاندىعىنان ايىردى. قىلمىستىق كودەكستىڭ 174-بابىنا  سايكەس (الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى قوزدىرۋ) 2 جىلدان 7 جىلعا دەيىن باس بوستاندىعىنان ايىرۋ جازاسى قاراستىرىلعان. تاتيانا مەزينا جازاسىن قاۋىپسىزدىگى بارىنشا تومەن رەجيمدەگى كولونيادا وتەيدى.

ۇكىم زاڭدى كۇشىنە ەڭگەن جوق.