پرەمەر-مينيستردىڭ ورىنباسارى قانات بوزىمبايەۆ اۋىلدىق جەرلەردى دامىتۋ ءۇشىن نە ىستەلىپ جاتقانىن ايتتى.

ۇكىمەتتە وتكەن باسپا ءسوز ءماسليحاتىندا بوزىمبايەۆقا "ەلىمىزدە 6 مىڭعا جۋىق اۋىل بار. ءبىراق ونداعى جاستار جۇمىسسىز. بۇل ماسەلە قالاي شەشىلەدى؟ ارنايى باعدالامالار بار ما؟" دەپ سۇراق قويدى.

ءبىز بۇل ماسەلەنى بىلەمىز. قازىرگى تاڭدا وڭىرلىك ساياساتتى وزگەرتەمىز دەپ جوسپارلاپ وتىرمىز. وعان ءتيىستى توبىمىز بار. بۇگىندە 75 ساراپشى ءار وڭىرلەرگە سكرينينگ جۇمىستارىن جۇرگىزەدى. بىرەۋلەر مال شارۋاسىمەن، ەندى بىرەۋلەر باۋ-باقشادا جۇمىس ىستەيدى. سوندىقتان قانداي جاعداي جاساۋ كەرەك جانە قۇرىلىم بولۋى كەرەك... ماسەلەن، كەيبىرەۋلەرى ەكى سيىر ۇستايدى، جايىلىمى بار، ءبىراق ءسۇت وتكىزەتىن جەرى جوق. سول سەبەپتى ول ايماققا ءسۇت ساقتايتىن قويمالار قاجەت. ولاردى ءسۇت زاۋىتىنا دەيىن جىبەرۋ قاجەت، - دەيدى قانات الدابەرگەن ۇلى.

بوزىمبايەۆتىڭ ايتۋىنشا، قوسالقى شارۋاشىلىق ەلىمىزدىڭ اۋىل شارۋاشىلىعىنىڭ 36 پايىزىن الىپ وتىر. سوزىنشە، قوسالقى شارۋاشىلىقتى ەكى ەسە ارتتىرۋ قاجەت.

بىزدە اۋىلدى دامىتۋعا قاتىستى 3-4 مەملەكەتتىك باعدارلاما بار. كەرەك بولسا، ولاردى قايتا قاراستىرامىز، - دەيدى ۆيسە-پرەمەر.