بۇگىن باس قاداعالاۋ ورگانىندا كەڭەيتىلگەن القا وتىرىسى وتكىزىلدى، وندا 2024 جىلعى جۇمىستىڭ قورىتىندىسى قارالدى.

ءىس-شارانى اشا وتىرىپ، باس پروكۋرور بەرىك اسىلوۆ پروكۋراتۋرا ورگاندارى زاڭدىلىقتى قامتاماسىز ەتۋ، ازاماتتاردىڭ كونستيتۋسيالىق قۇقىقتارى مەن بوستاندىقتارىن قورعاۋ، زاڭعا باعىناتىن بيزنەستى زاڭسىز تەكسەرۋلەردەن اراشالاۋ، ماڭىزدى ينۆەستيسيالىق جوبالاردى سۇيەمەلدەۋ، زاڭسىز اكتيۆتەردى قايتارۋ، ازاپتاۋلاردىڭ الدىن الۋ، سونداي-اق الاياقتىققا، ەسىرتكى بيزنەسىنە جانە باسقا دا ءقاۋىپتى قۇبىلىستارعا قارسى كۇرەس جونىندەگى قۇقىق قورعاۋ ورگاندارىنىڭ كۇش-جىگەرىن ۇيلەستىرۋ بويىنشا شارالار كەشەنىن قابىلداعانىن اتاپ ءوتتى.

وتكەن كەزەڭدە پروكۋرورلار مەملەكەت باسشىسىنىڭ تاپسىرماسى شەڭبەرىندە ماڭىزدى ينۆەستيسيالىق جوبالاردى سۇيەمەلدەۋ، ينۆەستورلار مەن ولاردىڭ ينۆەستيسيالارىن قورعاۋ جونىندەگى جۇمىستى جالعاستىردى، پرەزيدەنت بۇل جۇمىستى ۇلتتىق باسىمدىقتار دەڭگەيىنە كوتەردى.

كاسىپكەرلەردىڭ قۇقىقتارىن قورعاۋ بويىنشا جۇيەلى شارالار قابىلداندى. اتاپ ايتقاندا، ينۆەستيسيالىق جوبالاردى سۇيەمەلدەۋ بارىسىندا 565 ينۆەستور ناقتى كومەك الدى، ولاردىڭ ەل ەكونوميكاسىنا قوسقان ۇلەسى 10 ترلن تەڭگەنى قۇرادى.

باس پروكۋرور پروكۋراتۋرا مەن باسقا دا قۇقىق قورعاۋ ورگاندارىنىڭ وكىلەتتىكتەرىن پايداكۇنەمدىك ماقساتتا، بيزنەسكە قىسىم جاساۋ، ەكونوميكالىق قاقتىعىستارعا قاتىسۋ ءۇشىن پايدالانۋ ارەكەتتەرىن قاتاڭ تۇردە توقتاتۋ قاجەتتىلىگىن اتاپ ءوتتى.

الەۋمەتتىك-ەكونوميكالىق سالادا پروكۋرورلاردىڭ اكتىلەرى بويىنشا 3،5 ملن ازاماتتىڭ كونستيتۋسيالىق قۇقىقتارى قورعالدى، ونىڭ ىشىندە – 123 مىڭ قىزمەتكەر، 1،9 ملن-عا جۋىق ءجاسوسپىرىم،  23 مىڭنان استام بالانىڭ پايداسىنا اليمەنت بويىنشا 4،6 ملرد تەڭگە قارىز ءوندىرىلدى.

بارلىق انىقتالعان بۇزۋشىلىقتار مەن پروبلەمالىق ماسەلەلەر بويىنشا ۇكىمەتكە 23 قاداعالاۋ اكتىسى ەنگىزىلدى (ەكولوگيا، بالالاردىڭ قۇقىقتارىن قورعاۋ، جكو الدىن الۋ، ازاماتتاردىڭ وتىنىشتەرىن قاراۋ ساپاسى بويىنشا جانە ت.ب.). ولاردىڭ نەگىزىندە جول كارتالارى، زاڭدارعا جانە زاڭنان تۋىنداعان اكتىلەرگە تۇزەتۋلەر ازىرلەندى، سونىمەن قاتار ولاردا باياندالعان بۇزۋشىلىقتاردى جويۋ، سونداي-اق ازاماتتاردىڭ، بيزنەستىڭ قۇقىقتارىن جانە مەملەكەتتىڭ مۇددەلەرىن قورعاۋ ءۇشىن قاجەتتى باسقا دا شارالار قابىلداندى.

اكتيۆتەردى قايتارۋ جونىندەگى قۇقىقتىق تەتىكتەردى نىعايتۋ جالعاستىرىلدى.

وتكەن جىلى 428،7 ملرد تەڭگە مولشەرىندە ۇرلانعان اكتيۆتەر قايتارىلدى. زاڭ سۋبەكتىلەرىمەن كەلىسىمدەر بويىنشا 48 ملرد تەڭگەدەن استام سوماعا 15 الەۋمەتتىك جانە ينۆەستيسيالىق جوبا ىسكە قوسىلدى.

حالىقارالىق تاجىريبەنى ەسكەرە وتىرىپ، سوت تارتىبىمەن تۇسىنىكسىز شىققان اكتيۆتەردى مەملەكەت كىرىسىنە اينالدىرۋ پراكتيكاسى ەنگىزىلدى. قازىرگى تاڭدا ناتيجە بار ەكەنىن ايتا كەتۋ ءجون بولادى (10 ميلليون دوللارعا تالاپ قاناعاتتاندىرىلدى، سوما وتەلدى). سونىمەن قاتار، مۇلىكتى ەرىكتى تۇردە كەرى قايتارۋ بولىگىندە سۋبەكتىلەرمەن جۇمىس جۇرگىزىلۋدە.

ەلدەگى كريمينوگەندىك جاعداي تۇراقتى باقىلاۋدا.

قىلمىستىق قۇقىق بۇزۋشىلىقتار سانىنىڭ تومەندەۋى جالعاستىرىلۋدا (140-تان 132 مىڭعا دەيىن؛ -5،3%). 

الاياقتىققا، ەسىرتكى قىلمىسىنا جانە باسقا دا ءقاۋىپتى قۇبىلىستارعا قارسى ءىس-قيمىل بويىنشا جۇيەلى جۇمىس جۇرگىزىلۋدە.

قىلمىستىق پروسەسكە قاتىسۋشىلاردىڭ قۇقىقتارىنىڭ كەپىلدىكتەرى نىعايتىلادى.

قىلمىستىق وربيتاعا 4 132 ازاماتتى نەگىزسىز تارتۋعا جول بەرىلمەدى.

ازاپتاۋ فاكتىلەرى ەكى ەسە ازايدى (54%، 424-تەن 194-كە دەيىن).

حالىقارالىق ىنتىماقتاستىق جەلىسى بويىنشا شەتەلدىك ارىپتەستەرمەن ءوزارا ءىس-قيمىل جانە ىنتىماقتاستىقتى نىعايتۋ قامتاماسىز ەتىلدى، سونداي-اق ىزدەۋدە جۇرگەن ادامداردى ەكستراديسيالاۋ جانە قىلمىسكەرلەردى ۇستاپ بەرۋ جونىندەگى جۇمىس جالعاستىرىلدى.

قىلمىسقا قارسى ءىس-قيمىل، زاڭسىز شىعارىلعان اكتيۆتەردى قايتارۋ ماسەلەلەرى بويىنشا شەت مەملەكەتتەرمەن حالىقارالىق ىنتىماقتاستىقتى دامىتۋ بويىنشا جۇمىس جالعاسۋدا.

2024 جىلى 9 (1) حالىقارالىق شارتتار جاسالدى (ماروككومەن (3)، پەرۋمەن (3)، كاتارمەن (2) جانە كيپرمەن (1)).

       شەتەلدە جاسىرىنىپ جۇرگەن ادامداردى ەكستراديسيالاۋ بويىنشا جۇمىس جانداندىرىلدى.       

        2024 جىلى قازاقستانعا 67 (55) ادام ۇستالىپ جىبەرىلدى (رەسەيدەن – 37، گرۋزيادان – 6، قىرعىزستاننان – 4، تۇركيادان، ءباا مەن ءازىربايجاننان 3-دەن، پولشا مەن ارمەنيادان 2-دەن، يسپانيا، شۆەسيا، چەحيا، گەرمانيا، كورەيا، مولدوۆا، ۋكراينادان 1 -دەن).  

   الداعى كەزەڭدە قاداعالاۋ ورگانىنىڭ كۇش جىگەرى مىنالارعا باعىتتالاتىن بولادى:

  1) مەملەكەت باسشىسىنىڭ نۇسقامالارىن ودان ءارى ىسكە اسىرۋ («زاڭ جانە ءتارتىپ»، «حالىق ۇنىنە قۇلاق اساتىن مەملەكەت»، «ادىلەتتى قازاقستان – ادال ازامات»، «تازا قازاقستان» جانە ت.ب. قاعيداتتارىنا)؛

       2) قۇقىق بۇزۋشىلىقتاردىڭ پروفيلاكتيكاسىن كۇشەيتۋ جانە الاياقتىق، قاراقشىلىق، ەسىرتكى بيزنەسى جانە باسقالار سياقتى قازىرگى زامانعى سىن-تەگەۋرىندەرگە قارسى كۇرەسكە؛

      3) قاداعالاۋ قىزمەتىنە، ونىڭ ىشىندە جاساندى ينتەللەكتتى پايدالانا وتىرىپ، سيفرلىق قۇرالداردى ەنگىزۋگە؛

     4) قوعامنىڭ مەملەكەتتىك ورگاندارعا دەگەن سەنىمىن ارتتىرۋعا.

  مەملەكەت باسشىسىنىڭ تاپسىرمالارى شەڭبەرىندە پروكۋراتۋرا ورگاندارى زاڭسىز شىعارىلعان اكتيۆتەردى قايتارۋ، سونداي-اق ينۆەستورلاردى «پروكۋرورلىق سۇزگى» ارقىلى قورعاۋ جونىندەگى جۇمىستى جالعاستىرادى.

ءارتۇرلى سالالارداعى جۇيەلى جانە وزەكتى ماسەلەلەر بويىنشا تەكسەرۋلەر جۇرگىزۋ جوسپارلانعان.

ولاردىڭ قاتارىندا ازاپتاۋعا قارسى ءىس-قيمىل جانە قىلمىستىق پروسەستە ازاماتتاردىڭ كونستيتۋسيالىق قۇقىقتارىنىڭ بۇزىلۋىنا جول بەرمەۋ، ءبىلىم بەرۋ قىزمەتىن ليسەنزيالاۋ كەزىندە زاڭدىلىقتى ساقتاۋ، سونداي-اق كادرلاردىڭ بىلىكتىلىگىن ارتتىرۋ جانە قايتا دايارلاۋ باعدارلامالارى، مەملەكەت مۇقتاجى ءۇشىن جەر ۋچاسكەلەرىن ماجبۇرلەپ يەلىكتەن شىعارۋ كەزىندە زاڭناما تالاپتارىن ساقتاۋ ماسەلەلەرى جانە باسقالار بار.

باس پروكۋراتۋرانىڭ باسپا ءسوز قىزمەتى