استانادا ەسىل وزەنىنىڭ جاعاسىنداعى كەنەسارى حاننىڭ ەسكەرتكىشى جوندەۋدەن وتكىزىلىپ، باستاپقى ورنىنا قايتا قويىلدى. بۇل تۋرالى مەملەكەتتىك كەڭەسشى ەرلان قارين مالىمدەدى.

— ەسكەرتكىش ۋاقىتشا الىنىپ تاستالعان كەزدە الەۋمەتتىك جەلىدە ءارتۇرلى الىپقاشپا اڭگىمەلەر تارادى. تۇسىنىكتەمە بەرىلگەنىنە قاراماستان، كەيبىر ازاماتتار "كەنەسارى حاننىڭ ەسكەرتكىشى مۇلدە الىنعان، قايتا ورناتىلمايدى" دەگەن جالعان اقپارات تاراتتى. شىن مانىندە، ەسكەرتكىشكە جوندەۋ قاجەت بولدى. ول قايتا قالپىنا كەلتىرىلىپ، بيىكتەۋ تۇعىرعا ورناتىلدى. ءقازىر اينالاسىندا اباتتاندىرۋ جۇمىستارى ءجۇرىپ جاتىر، — دەدى ەرلان قارين.

ەسكە سالا كەتەيىك، كەنەسارى حاننىڭ ەسكەرتكىشى 2023 جىلعى قاراشا ايىندا بولشەكتەلگەن بولاتىن. استانا قالالىق مادەنيەت باسقارماسىنىڭ مالىمەتىنشە، ەسكەرتكىشتىڭ ىرگەتاسى قيسايىپ، قۇرىلىمدىق تۇرعىدان ءقاۋىپتى بولىپ تانىلعان. سوندىقتان ءمۇسىن ارنايى جوندەۋ جۇمىستارىنا جىبەرىلگەن ەدى.