پرەزيدەنت قاسىم-جومارت توقايەۆتىڭ سوگىس جاريالاۋىنان كەيىن ق ر كولىك ءمينيسترى مارات قارابايەۆ ءوز قىزمەتىنە قاتىستى مالىمدەمە جاسادى. بۇل تۋرالى ول سەناتتا جول ماسەلەلەرىنە ارنالعان ۇكىمەت ساعاتىنان كەيىن جۋرناليستەردىڭ سۇراعىنا جاۋاپ بەرۋ كەزىندە ايتتى.
– مينيسترلىك ۇجىمى مەملەكەت باسشىسىنىڭ ۆەدومستۆوعا جۇكتەگەن تاپسىرمالارىن ۋاقىتىلى ءارى ساپالى ورىنداۋعا باسا نازار اۋدارادى. مەن، وسى مەملەكەتتىك ورگاننىڭ جەتەكشىسى رەتىندە، ماعان ارتىلعان سەنىمدى اقتاۋ ءۇشىن بار كۇش-جىگەرىمدى سالامىن، – دەدى مارات قارابايەۆ.
مينيستر ءوز سوزىندە ۆەدومستۆو جۇمىسىنىڭ ساپاسىن ارتتىرۋعا ەرەكشە كوڭىل بولەتىنىن اتاپ ءوتتى.
ەسكە سالا كەتەيىك، جاقىندا مەملەكەت باسشىسى قاسىم-جومارت توقايەۆتىڭ توراعالىعىمەن قاۋىپسىزدىك كەڭەسىنىڭ كولىك جانە لوگيستيكا سالاسىن دامىتۋ ماسەلەلەرىنە ارنالعان وتىرىسى وتكەن بولاتىن. كەزدەسۋ بارىسىندا پرەزيدەنت كولىك ءمينيسترى مارات قارابايەۆقا جول سالاسىنداعى جۇمىسىندا جىبەرىلگەن كەمشىلىكتەر ءۇشىن سوگىس جاريالاعان ەدى.
