ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ ەلدەگى اەس قۇرىلىسىنا قاتىستى مالىمدەمە جاسادى.
"الداعى ۋاقىتتا الماتى وبلىسىندا العاشقى اەس-تىڭ قۇرىلىسىنا قاتىستى ءتيىستى كەلىسىمشارتتارعا قول قويىلادى. سونداي-اق ەكىنشى جانە ءۇشىنشى اەس سالىناتىن ىقتيمال ورىنداردى انىقتاۋ ءۇشىن ايماقتارعا جۇرگىزىلگەن ساراپتاما اياقتالادى"، – دەدى پرەمەر-مينيستر.
ۇكىمەت باسشىسى ءۇش جىلۋ ەلەكتر ورتالىقتارىن سالۋ بويىنشا جوبالار باستالعانىن ايتتى. جاڭا جەو كوكشەتاۋ، سەمەي مەن وسكەمەندە سالىنىپ، 2032 جىلى قولدانىسقا بەرىلەدى.
بۇعان دەيىن قاسىم-جومارت توقايەۆ ەلدە ەكى ۇلكەن اەس سالۋ كەرەگىن ايتقان ەدى. وسىلايشا قازاقستان يادرولىق ەنەرگەتيكاسى دامىعان ەلگە اينالۋ كەرەك دەيدى.
پىكىر قالدىرۋ