مەملەكەت باسشىسى قاسىم-جومارت توقايەۆ "انا ءتىلى" گازەتىنە بەرگەن سۇحباتىندا ۇلتتىق قۇندىلىقتاردى ساقتاۋ، ءبىلىم بەرۋ ساپاسىن ارتتىرۋ جانە جاس ۇرپاقتىڭ باسەكەگە قابىلەتتىلىگىن نىعايتۋ جونىندە ءوز ويلارىن ءبىلدىردى. پرەزيدەنتتىڭ بۇل ۇستانىمدارى قازاق ۇلتتىق ۋنيۆەرسيتەتىنىڭ دامۋ ساياساتىنا تولىق سايكەس كەلەدى.

       قازۇۋ (https://farabi.university ) – تەك ءبىلىم ورداسى عانا ەمەس، ۇلتتىق رۋحاني قۇندىلىقتاردىڭ ورتالىعى. توقايەۆ ءوزىنىڭ سۇحباتىندا جاستاردىڭ ساپالى ءبىلىم الۋى مەن عىلىمعا دەگەن قۇشتارلىعىن ارتتىرۋدىڭ ماڭىزدىلىعىن اتاپ ءوتتى. ۋنيۆەرسيتەت بۇل باعىتتا ىرگەلى رەفورمالار جۇرگىزىپ، حالىقارالىق دەڭگەيدەگى ءبىلىم بەرۋ باعدارلامالارىن ەنگىزۋدە. پرەزيدەنت عىلىم مەن ءبىلىمدى ۇلتتىق مادەنيەتپەن ۇيلەستىرە وتىرىپ دامىتۋ قاجەتتىگىن ايتتى. قازۇۋ بۇل مىندەتتى ابىرويمەن ورىنداپ كەلەدى. ۋنيۆەرسيتەت قابىرعاسىندا ۇلتتىق تاريح، ءتىل جانە مادەنيەتتى زەرتتەيتىن ورتالىقتار جۇمىس ىستەپ، ستۋدەنتتەرگە زاماناۋي ءبىلىم بەرۋمەن قاتار، ۇلتتىق رۋحتا تاربيەلەۋ باستى مىندەتتەردىڭ ءبىرى بولىپ وتىر. سونىمەن قاتار، توقايەۆ سۇحباتىندا ءبىلىم بەرۋ ساپاسىن ارتتىرۋ ءۇشىن وقىتۋشىلاردىڭ بىلىكتىلىگىن جەتىلدىرۋ جانە ماتەريالدىق بازانى نىعايتۋ كەرەكتىگىن باسا ايتتى. وسىعان وراي، قازۇۋ جاڭا عىلىمي زەرتحانالار اشىپ، يننوۆاسيالىق جوبالاردى جۇزەگە اسىرۋدا.

      جوو دەيىنگى دايىندىق كافەدراسى دا وسى ماقساتتاردى جۇزەگە اسىرۋعا ايتارلىقتاي ۇلەس قوسۋدا. بۇل كافەدرا تالاپكەرلەرگە ساپالى دايىندىق بەرىپ، ولاردىڭ ۋنيۆەرسيتەتكە تۇسۋىنە مۇمكىندىك جاسايدى. كافەدرانىڭ جۇمىسى جاستاردىڭ ءبىلىم دەڭگەيىن كوتەرىپ، ولاردىڭ بولاشاقتا ءوز سالاسىندا بىلىكتى مامان بولىپ قالىپتاسۋىنا ىقپال ەتەدى. كافەدرانىڭ وقىتۋشىلارى ءبىلىم بەرۋ ساپاسىن ارتتىرۋ ماقساتىندا جاڭا ادىستەمەلەردى ەنگىزىپ، تالاپكەرلەرمەن جۇيەلى جۇمىس جۇرگىزۋدە.

      جوو دەيىنگى دايىندىق كافەدراسىنىڭ تاريحشى عالىمدارى قاسىم-جومارت توقايەۆتىڭ "انا ءتىلى" گازەتىنە بەرگەن سۇحباتىنا ارنالعان ارنايى ءىس-شارا وتكىزدى. ءىس-شارا اياسىندا دوڭگەلەك ۇستەل ۇيىمداستىرىلىپ، وندا ۇلتتىق ءبىلىم مەن عىلىمنىڭ دامۋىنا قاتىستى پىكىرتالاستار ءوتتى. ستۋدەنتتەر مەن وقىتۋشىلار پرەزيدەنتتىڭ ءبىلىم بەرۋ سالاسىنداعى باستامالارىن تالقىلاپ، ولاردىڭ ۋنيۆەرسيتەت دامۋىنا تيگىزەر اسەرىن سارالادى. سونىمەن قاتار، ءىس-شارا بارىسىندا تاريحي-تانىمدىق دارىستەر وقىلىپ، جاستارعا پاتريوتتىق تاربيە بەرۋ ماسەلەلەرى كوتەرىلدى. ءىس-شارا بارىسىندا جاس زەرتتەۋشىلەرگە ارنايى سەرتيفيكاتتار تابىستالىپ، ۇزدىك بايانداما جاساعان ستۋدەنتتەر ماراپاتتالدى. قاتىسۋشىلار ءوز پىكىرلەرىن ورتاعا سالىپ، ۋنيۆەرسيتەتتىڭ بولاشاق دامۋ باعىتتارىن تالقىلادى.   

        قورىتا ايتقاندا، قاسىم-جومارت توقايەۆتىڭ "انا ءتىلى" گازەتىنە بەرگەن سۇحباتىنداعى يدەيالار قازاق ۇلتتىق ۋنيۆەرسيتەتىنىڭ ستراتەگيالىق ماقساتتارىمەن تولىق ۇندەسەدى. ءبىلىم مەن عىلىمدى ۇلتتىق قۇندىلىقتارمەن ۇشتاستىرا وتىرىپ، ۋنيۆەرسيتەت ەلدىڭ ينتەللەكتۋالدى الەۋەتىن ارتتىرۋ جولىندا ايانباي ەڭبەك ەتۋدە.

جوو دەيىنگى دايىندىق كافەدراسىنىڭ اعا وقىتۋشىلارى ايشا بەگالييەۆا، سامال ساعناي قىزى