الەۋمەتتىك جەلىدە اتىراۋلىقتار قالا كوشەلەرىندە قاڭعىباس يتتەردىڭ كوبەيىپ كەتكەنىن ايتىپ، الاڭداۋشىلىق ءبىلدىرىپ جاتىر.

تۇرعىندار كۇن سايىن كوبەيىپ جاتقان بۇرالقى يەتتەردەن ءقاۋىپ كوپ دەپ وتىر. ايتۋىلارىنشا، بالالار مەكتەپكە بارعاندا ارتىنان جۇگىرىپ، قورقىتاتىن كورىنەدى. "جۇلدىز-2" ىقشاماۋدانى تۇرعىندارىنىڭ ءبىرى مۇنىڭ ءبىرشاما ۋاقىتتان بەرى جالعاسىپ كەلە جاتقانىن ايتىپ، بالالاردىڭ قاۋىپسىزدىگىنە الاڭدايتىنىن جەتكىزدى. 

“ءقازىر قاڭعىباس يتتەردى اۋلاۋ جۇمىستارى توقتاپ تۇر. يت اۋلايتىن ۇيىمداردى انىقتاۋعا قاراجات ءبولىنىپ، تەندەر جاريالاندى. جۇمىس جەڭىمپاز ۇيىم انىقتالعاننان كەيىن باستالادى”، – دەپ مالىمدەدى اتىراۋ وبلىسىنىڭ اۋىل شارۋاشىلىعى جانە جەر قاتىناستارى باسقارماسى.

مەملەكەتتىك ساتىپ الۋلار پورتالىنداعى مالىمەتتەرگە سايكەس، بيىل اتىراۋ وبلىسىندا قاڭعىباس يتتەردى ۇستاۋعا جانە ۇستاۋعا 71 ميلليون تەڭگەدەن استام قارجى بولىنگەن. قاراجاتتار كەلەسىدەي ءبولىندى:

• يساتاي اۋدانى – 2 656 000 تەڭگە؛
• ماحامبەت اۋدانى – 2 943 000 تەڭگە؛
• قىزىلقوعا اۋدانى – 3 087 000 تەڭگە؛
• ماقات اۋدانى – 3 015 000 تەڭگە؛
• يندەر اۋدانى – 3 302 000 تەڭگە؛
• قۇرمانعازين اۋدانى – 5 600 000 تەڭگە؛
• جىلىوي اۋدانى – 8 616 000 تەڭگە؛
• اتىراۋ قالاسى – 42 579 000 تەڭگە.