اسكەري قولباسشىلىق سيريا كونستيتۋسياسىنىڭ توقتاعانىن جانە ۋاقىتشا زاڭ شىعارۋشى كەڭەس قۇرۋ ءۇشىن وكىلەتتىكتەردىڭ شاراعا بەرىلگەنىن جاريالادى. سونداي-اق پارلامەنت تاراپ، ەلدى ونداعان جىلدار بويى باسقارعان “بااس” پارتياسى جويىلدى.
“وتپەلى كەزەڭدە مەملەكەتتىك قۇرىلىمداردى قايتا قۇرۋ، "ادىلەت ارقىلى ازاماتتىق بەيبىتشىلىكتى" قامتاماسىز ەتۋ جانە اساد رەجيمى قۇلاعاننان كەيىن كەك الۋ ارەكەتتەرىنىڭ الدىن الۋعا باسىمدىق بەرىلەدى. ءتورت جىل ىشىندە ۇلتتىق كونفەرەنسيا وتكىزىپ، ينكليۋزيۆتى ۇكىمەت جاساقتاپ، سايلاۋ ۇيىمداستىرۋعا ۋادە بەرەمىن”، – دەدى جاڭا پرەزيدەنت.
احمەد اش-شاراا بيلىك ۆاكۋۋمىن زاڭدى جولمەن تولتىرۋ باستى مىندەت ەكەنىن اتاپ ءوتتى. ول مەملەكەتتىك ينستيتۋتتاردىڭ، سونىڭ ىشىندە اسكەر مەن قاۋىپسىزدىك ورگاندارىنىڭ جۇمىسىن قالپىنا كەلتىرۋگە، سونداي-اق ساياسي رەفورمالاردى باستاۋعا نيەتتى.
كاتار بيلىكتىڭ اۋىسۋىن قۇپتاپ، وعان "كونسەنسۋس پەن بىرلىككە جاسالعان قادام" دەپ باعا بەردى. الايدا ساراپشىلار بۇعان كۇمانمەن قارايدى. لوندون ەكونوميكا مەكتەبىنىڭ قىزمەتكەرى فاۆاز گەرگەس شاراا مەن ونىڭ جاقتاستارى ءبىر پارتيالى يسلامشىل بيلىك ورناتۋدى كوزدەيدى دەپ سانايدى. كارنەگي تاياۋ شىعىس ورتالىعىنىڭ ساراپشىسى موحاناد حەيدج الي جاڭا اكىمشىلىكتەن سيريانىڭ مادەني جانە ءدىني ارتۇرلىلىگى بايقالمايدى دەپ ەسەپتەيدى.
پىكىر قالدىرۋ