2024 جىلدىڭ قىركۇيەك ايىنداعى مالىمەتكە سايكەس، ەل ەكونوميكاسىندا ەڭبەككە جارامدى جاستان اسقان 298،5 مىڭ قازاقستاندىق جۇمىس ىستەگەن. بۇل 2022 جىلمەن سالىستىرعاندا 92،7 مىڭ ادامعا كوپ. مۇنداي دەرەكتەردى ۇلتتىق ستاتيستيكا بيۋروسى (ۇسب) ۇسىنىپ وتىر.  

زەينەتكەرلەر نەگىزىنەن اۋىل شارۋاشىلىعىندا (39،9%)، ساۋدا سالاسىندا (20%) جانە ءبىلىم بەرۋ مەن دەنساۋلىق ساقتاۋ سالاسىندا (16،2%) جۇمىس ىستەيدى.  

سوڭعى 2 جىلدا بارلىق سالادا ەگدە جاستاعى قىزمەتكەرلەردىڭ سانى ارتقان. اسىرەسە قۇرىلىس، مەملەكەتتىك باسقارۋ جانە قارجى سەكتورىندا جۇمىس ىستەيتىن زەينەتكەرلەر سانى 3 ەسە كوبەيگەن، ال كولىك، لوگيستيكا، ساۋدا جانە الەۋمەتتىك سالالاردا بۇل كورسەتكىش 2 ەسە وسكەن.  

جۇمىس ىستەيتىن زەينەتكەرلەر اراسىندا ەڭ ۇلكەن توپتى زەينەتكە ەندى شىققاندار (65 جاسقا تولماعاندار) قۇرايدى. ال ەڭ از ساناتقا 85 جاستان اسقان ازاماتتار جاتادى. ءبىر قىزىعى، 2023 جىلى 85 جاستان اسقان 700-دەن استام ادام ەڭبەك ەتكەن. ال 3 جىل بۇرىن بۇل جاستا جۇمىس ىستەيتىندەر مۇلدە بولماعان.

قازاقستاندىق زەينەتكەرلەردىڭ كوپشىلىگى جۇمىسىن جاستارعا تاجىريبە بەرۋ ءۇشىن جالعاستىرادى دەگەن بولجامدى تەكسەرۋ ءۇشىن ولاردىڭ قانداي قىزمەت اتقاراتىنىن قاراستىرايىق. ۇلتتىق ستاتيستيكا بيۋروسىنىڭ مالىمەتىنە سايكەس، وتكەن جىلدىڭ قىركۇيەك ايىنداعى ەسەپ بويىنشا 65 جاستان اسقان جۇمىس ىستەيتىن زەينەتكەرلەردىڭ 59،1%-ى (69،3 مىڭ ادام) بىلىكتىلىگى جوق جۇمىسشىلار ساناتىنا جاتقىزىلعان. ولاردىڭ باسىم بولىگى فەرمەرلىك شارۋاشىلىقتاردا – مالشىلار، شوپاندار، ساۋىنشىلار جانە ت.ب. رەتىندە ەڭبەك ەتكەن. سونىمەن قاتار 7،6 مىڭ زەينەتكەر ەدەن جۋۋشى نەمەسە باسقا دا قىزمەت كورسەتۋ جۇمىستارىن اتقارعان. بار بولعانى ەكى جىل ىشىندە مۇنداي قىزمەتكەرلەردىڭ سانى 22 ەسە ءوسىپ، 339 ادامنان 7،6 مىڭ ادامعا جەتتى. 65 جاستان اسقان كوشە ساۋداگەرلەرىنىڭ سانى دا 13 ەسە كوبەيىپ، 395 ادامنان 5،2 مىڭ ادامعا جەتتى. ال بىلىكتىلىگى جوق قوقىس جيناۋشىلاردىڭ سانى 79،1%-عا ءوسىپ، 3،7 مىڭ ادامدى قۇرادى. ازىق-تۇلىك پەن دارى-دارمەككە اقشا جەتىسپەۋى سياقتى قيىندىقتاردان باسقا، وسىنشاما جاستاعى ازاماتتاردى قىزمەتشى نەمەسە تازالىقشى بولۋعا يتەرمەلەگەن قانداي سەبەپتەر بار؟ - دەيدى ranking.kz ساراپشىلارى.