5ء-شى "ەو-ورتالىق ازيا ازاماتتىق قوعام فورۋمى" بۇۇ اگەنتتىكتەرى مەن ازاماتتىق قوعام ۇيىمدارىنىڭ 150-دەن استام وكىلىنىڭ باسىن قوستى.

قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازييەۆا ەلىمىزدە ازاماتتىق قوعام، قوعامدىق كەڭەستىڭ دامۋ قارقىنى جوعارى ەكەنىن اتاپ ءوتتى.

- بۇل فورۋم بىزگە كەرەك جيىن. ءىس-شارادا ايتىلىپ، تالقىلانىپ جاتقان ماسەلەلەر وتە وزەكتى. ورتالىق ازيانىڭ ازاماتتىق فورۋمى داميتىن بولسا، وندا مەملەكەتتەردە مىقتى بولماق. سونىمەن قاتار ەۋروپالىق وداق پەن ورتالىق ازيانىڭ ەلدەرى جاقسى قارىم-قاتىناستا بولا بەرمەك. قازاقستاندا ازاماتتىق قوعامنىڭ دامۋ قارقىنى وتە جوعارى. سوڭعى جىلدارى ءبىرتالاي زاڭناما وزگەرتىلدى. كونستيتۋسياعا ەنگىزىلگەن وزگەرىستەردىڭ ارقاسىندا قازىرگى تاڭدا ءبىرتالاي جاقسى زاڭدار شىعا باستادى. ونىڭ ىشىندە قوعامدىق كەڭەس جايلى ايتىلعان. قوعامدىق كەڭەس دۇرىس جۇمىس ىستەۋ ءۇشىن ونىڭ قۇرامى 100% قوعام وكىلدەرىنەن قۇرالۋ كەرەك. ءالى كۇنى بىزدە 70%-ى قوعام وكىلدەرى ال قالعاندارى مەملەكەتتىك ورگاندار نەمەسە باسقا سالادان كەلگەن. بىزدە سونداي-اق قوعامدىق قابىلداۋ جايلى زاڭ قابىلداندى. ءبىزدىڭ ەلىمىزدە قوعامدىق قابىلداۋ وتە جاقسى جولعا قويىلعان. الىس-جاقىن ەلدەردىڭ ادامدارى ءبىزدىڭ قوعامدىق ۇيىمداردىڭ جاقسى جۇمىس ىستەپ جاتقانىن ايتىپ، بىزگە قىزىعا قاراپ جاتادى، - دەدى قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازييەۆا.