عىلىم مينيسترلىگى سوزدىكتى دامىتاتىن مەكەمەنى ايقىندادى.
عىلىم جانە جوعارى ءبىلىم مينيسترلىگى قازاق ءتىلىنىڭ ۇلتتىق سوزدىك قورىن قولداپ وتىرۋعا جانە دامىتۋعا جاۋاپتى زاڭدى تۇلعا رەتىندە شايسۇلتان شاياحمەتوۆ اتىنداعى "ءتىل-قازىنا" ۇلتتىق عىلىمي-پراكتيكالىق ورتالىعىن بەلگىلەدى. بۇل تۋرالى اشىق نقا پورتالىنداعى قۇجات جوباسىنان بەلگىلى بولدى. 
"ءتىل-قازىنا" ورتالىعى عىلىمي زەرتتەۋلەر، ءبىلىم بەرۋ تەحنولوگيالارى مەن قوسىمشا ءبىلىم بەرۋ ازىرلەمەلەرى سالاسىنداعى قىزمەتتى جۇزەگە اسىرادى.
ەسكە سالايىق، قازاقستاندا قازاق ءتىلىن قورعاۋ جانە ساقتاۋ ءۇشىن ءبىرىڭعاي اقپاراتتىق جۇيە قالىپتاستىرۋ جانە قازاق ءتىلىنىڭ ۇلتتىق سوزدىك قورىن قۇرۋ كوزدەلىپ وتىر. جاڭا زاڭعا سايكەس، ماتىندەردى وڭدەۋ جانە تالداۋ ماقساتىندا جاساندى ينتەللەكت نەگىزىندە قازاق ءتىلىنىڭ تىلدىك مودەلى قۇرىلادى.