پاۆلودار وبلىسى پوليسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى اليۋمينيي زاۋىتى اۋماعىنان مەتالل ۇرلاۋ سحەماسىن انىقتادى.

ىشكى ىستەر مينيسترلىگى ءوندىرىس وبەكتىلەرىندە ۇرلىق جاساۋدىڭ سحەمالارىن انىقتاۋ جانە ولاردىڭ جولىن كەسۋ بويىنشا جۇيەلى جۇمىستى جالعاستىرىپ جاتىر. 

Polisia.kzء-تىڭ مالىمەتىنشە قىلمىس جاسادى دەگەن كۇدىككە كاسىپورىننىڭ قىزمەتكەرلەرى ءىلىندى. ولاردىڭ زاڭسىز ارەكەتى جەدەل ءىس-شارالار ناتيجەسىندە قۇجاتتالدى. فيگۋرانتتار مەتالدىڭ كەزەكتى پارتياسىن شىعارۋ كەزىندە قىلمىس ۇستىندە ۇستالدى.

ولاردىڭ ىس-ارەكەتتەرىنەن كاسىپورىنعا 30 ملن تەڭگە سوماسىندا شىعىن كەلتىرىلدى. قىلمىستىق ءىس ۇرلىقتىڭ بىرنەشە ەپيزودتارى بويىنشا تەرگەلىپ جاتىر. 

ۇلىتاۋ وبلىسىندا ۇيىمداسقان قىلمىسقا قارسى كۇرەس باسقارماسى «قازاقمىس» كورپوراسياسىنىڭ قاۋىپسىزدىك قىزمەتىمەن بىرلەسىپ، كورسەتىلگەن كاسىپورىننىڭ جۇمىسكەرلەرىنەن تۇراتىن ەكى توپ ۇستادى. ولار تاۋارلىق-ماتەريالدىق قۇندىلىقتاردى ۇرلاۋ سحەماسىن ۇيىمداستىرعان.

– ءبىرىنشى جاعدايدا توپ مۇشەلەرىنىڭ ءبىرى ۋچاسكە باستىعى. ولار 16 ملن تەڭگەدەن استام سوماعا كاسىپورىن مۇلكىن ۇرلاعان. ەكىنشى توپتا قىلمىستاردى جاساۋعا كورپوراسيا باسقارمالارىنىڭ ءبىرىنىڭ باسشىسى قاتىسقان. ولار ۇرلانعان زاتتاردى كاسىپورىن اۋماعىنان قۇجاتتاردى قولدان جاساۋ ارقىلى شىعارىپ وتىرعان. اتالعان فاكتىلەر بويىنشا فيگۋرانتتاردىڭ قۇقىققا قارسى ارەكەتتەرى تۋرالى دالەلدەر جينالدى. بارلىق كۇدىكتىلەر ۇستالدى، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس. 

سوتقا دەيىنگى تەرگەپ-تەكسەرۋ ادامدار توبىمەن الدىن الا ءسوز بايلاسۋ ارقىلى جاسالعان ۇرلىق فاكتىلەرى بويىنشا جۇرگىزىلۋدە.

– سونداي-اق «Qarmet» اق-دان مۇلىك ۇرلاۋدى ۇيىمداستىرعانى ءۇشىن 2023 جىلى ۇستالعان توپتاردىڭ ءبىرىنىڭ مۇشەلەرى ۇزاق مەرزىمگە سوتتالعانىن اتاپ ءوتۋ قاجەت. وسى كاسىپورىندا ۇرلىق جاساعان باسقا دا ەكى ۇيىمداسقان قىلمىستىق توپقا قاتىستى تەرگەۋ اياقتالدى. قىلمىستىق ىستەر سوتقا جىبەرىلدى. ءىرى ونەركاسىپ وبەكتىلەرىندە ۇيىمداسقان قىلمىستىق توپتاردىڭ كريمينالدىق ارەكەتتەرىنىڭ جولىن كەسۋ جونىندەگى جۇمىس ىشكى ىستەر مينيسترلىگىنىڭ باقىلاۋىندا، – دەدى سپيكە