28 اقپاندا پروكۋراتۋرانىڭ ۇيلەستىرۋىمەن الماتى قالاسىنىڭ ۇقكد قىزمەتكەرلەرى «قازاقتەلەكوم» اق جانە «كسەلل» اق-مەن بىرلەسىپ، فرود-قوڭىراۋلاردى ۇيىمداستىرعان كۇدىكتىنى ۇستادى.

 تەكسەرۋ بارىسىندا ەكى SIM-بوكس انىقتالدى، ولاردىڭ بىرەۋىندە نومىرلەردى اۋىستىرۋ جانە الاياقتىق قوڭىراۋلار ءۇشىن پايدالانىلعان SIM-كارتالارعا ارنالعان 32 سلوتى، سونداي-اق ءتۇرلى وپەراتورلاردىڭ كوپتەگەن SIM-كارتاسى بار.

بۇعان دەيىن 2024 جىلعى 1 قاراشادا الماتى قالاسىنىڭ پروكۋراتۋراسى، «قازاقتەلەكوم» اق مەن «Kcell» اق اراسىندا فرود-قوڭىراۋلارعا قارسى كۇرەس سالاسىندا ىنتىماقتاستىق تۋرالى مەموراندۋمعا قول قويىلعان بولاتىن. 2024 جىلى بىرلەسكەن كۇشتىڭ ارقاسىندا الماتىدا 14 SIM-بوكس ماشيناسىنىڭ قىزمەتى جويىلدى.

قىلمىستىق توپتاردىڭ ەلىمىزدىڭ باسقا وڭىرلەرىنە بەلسەندى قونىس اۋدارۋىنا بايلانىستى باس پروكۋراتۋراسىنىڭ جەدەل-ىزدەستىرۋ، قارسى بارلاۋ قىزمەتى مەن جاسىرىن تەرگەۋ ارەكەتتەرىنىڭ زاڭدىلىعىن قاداعالاۋ دەپارتامەنتىنىڭ جاردەمدەسۋىمەن ۇلتتىق قاۋىپسىزدىك كوميتەتىن جۇمىسقا قوسۋ تۋرالى شەشىم قابىلداندى.

-  الماتى قالاسى پروكۋراتۋراسىنىڭ ۇيلەستىرۋىمەن ۆەدومستۆوارالىق توپتىڭ جۇمىسى بارىسىندا، سونىڭ ىشىندە الماتى قالاسى بويىنشا ۇقكد كيبەرقاۋىپسىزدىك اقپارات باسقارماسىنىڭ جەدەل سۇيەمەلدەۋىمەن ەلىمىزدىڭ 8 وڭىرىندە 202 ابونەنتتىك ءنومىر انىقتالدى. 9 SIM-بوكس قۇرىلعىسى تاركىلەنگەن 8 مەكەنجاي انىقتالدى، 8 ادام ۇستالدى، ونىڭ ىشىندە رەسەي فەدەراسياسىنىڭ 6 ازاماتى. سونداي-اق ءتۇرلى ۇيالى وپەراتورلاردىڭ 8 407 SIM-كارتاسى تاركىلەندى، - دەلىنگەن حابارلامادا.

ينتەرنەت الاياقتىقپەن كۇرەس جۇمىسى جالعاسىپ جاتىر.