جامبىل وبلىسىندا بالالار جاپپاي ۋلاندى. 17 ناۋرىزدا مەركى اۋداندىق ورتالىق اۋرۋحاناسىنىڭ جۇقپالى اۋرۋلار بولىمىنە مەركى اۋىلى ويتال ۋچاسكەسى "نۇراي" بوبەكجاي باقشاسىنىڭ 10 تاربيەلەنۋشىسى جەتكىزىلگەن. 

ونىڭ ىشىندە 9 جاعداي ءجىتى ىشەك ينفەكسياسى، 1 جاعداي ەنتەروۆيرۋستى ينفەكسيا دياگنوزىمەن تىركەلگەن.

"1 بالا جانساقتاۋ بولىمىنە اۋىستىرىلعان، جاعدايى ءبىرقالىپتى (وڭ ناتيجەلەر بايقالادى)"، - دەلىنگەن حابارلامادا.

وسىعان بايلانىستى وبلىس اكىمى ەربول قاراشوكەيەۆتىڭ تاپسىرماسىنا سايكەس جۇمىسشى توپ قۇرىلىپ، ءار بالانىڭ جاعدايىمەن تانىسىپ، جاعداي زەردەلەنىپ جاتىر. اۋرۋدىڭ نەدەن شىققانى انىقتالىپ جاتىر. 

"قازىرگى ۋاقىتتا اۋرۋحانادا قوسىمشا توسەك ورنى قاجەتىلىككە بايلانىستى دايىن. دارى-دارمەك قورى جەتكىلىكتى.

بۇگىنگى كۇنگە مەركى اۋداندىق سانيتاريالىق-ەپيدەميولوگيالىق باقىلاۋ باسقارماسىمەن تەكسەرۋ جۇمىستارى باستالىپ، بارلىق سىنامالار الىنعان، قورىتىندىسى كۇتىلەدى"، - دەلىنگەن ءوڭىر اكىمدىگى مالىمەتىندە.