قازاقستان مۇناي قۇبىرىنا جاسالعان شابۋىلىنا قاتىستى كەلىسسوز جۇرگىزىپ جاتىر. بۇل تۋرالى سىرتقى ىستەر ءمينيسترىنىڭ ورىنباسارى الىبەك قۋانتىروۆ ءمالىم ەتتى.

— ۋكراينالىق تاراپپەن بايلانىستامىز. بۇل ماسەلە بويىنشا كەلىسسوزدەر ءجۇرىپ جاتىر. جالپى كتك بويىنشا رەسمي ۇستانىمدى ەنەرگەتيكا مينيسترلىگى مالىمدەدى، ال ۋكراينالىق تاراپتىڭ حابارى بار. ولاردىڭ قاتىسۋىمەن كەلىسسوزدەر جۇرگىزىلىپ جاتىر، — دەدى الىبەك قۋانتىروۆ ءماجىلىس قابىرعاسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.

ەسكە سالا كەتسەك، بيىل 17 اقپاندا كاسپيي قۇبىر كونسورسيۋمىنىڭ مۇناي ايداۋ ستانساسىنا درونمەن شابۋىل جاسالدى. 
كەيىن ەنەرگەتيكا مينيسترلىگى كقك-عا جاسالعان كەزەكتى درون شابۋىلىنا قاتىستى تۇسىنىك بەردى. 

سونداي-اق كاسپيي قۇبىرى كونسورسيۋمىنا كەلگەن شىعىن كاسىپورىننىڭ ءوز ەسەبىنەن وتەلگەنى ايتىلدى. 

24 ناۋرىزدا كاسپيي قۇبىرى كونسورسيۋمىنا درون شابۋىلىنان كەيىن مۇناي ايداۋ ستانسياسىن قالپىنا كەلتىرىپ جاتقانى تۋرالى حابارلاعان ەدىك.