25 ناۋرىزدا تولاسسىز جاۋىن-شاشىننىڭ سالدارىنان قوتىرابۇلاق وزەنى ارناسىنان شىعىپ، تالعار اۋدانى، بەساعاش اۋىلىندا جەتى اۋلا اۋماعى مەن مەديسينالىق ورتالىقتى سۋ باستى.

الدىن الا مالىمەتتەر بويىنشا، سۋ باسۋدىڭ نەگىزگى سەبەبى – وزەن ارناسىنىڭ زاڭسىز تارىلۋى. تۇرعىندار وزەننىڭ تابيعي ارناسىنا قورشاۋلار مەن كۇركەلەر ورناتقان، بۇل سۋدىڭ وتكىزۋ قابىلەتىن تومەندەتكەن.

سالدارىن جويۋ جانە سۋ باسۋدىڭ الدىن الۋ ماقساتىندا تالعار اۋدانىنىڭ توتەنشە جاعدايلار ءبولىمى جەرگىلىكتى اتقارۋشى ورگاندارمەن بىرلەسىپ، سۋ باسقان ۇيلەردىڭ جوعارعى بولىگىندە ارىق جۇيەسىن تەرەڭدەتۋ جۇمىستارىن جۇرگىزىپ جاتىر.

جۇمىسقا الماتى وبلىسى تجد جانە جەرگىلىكتى اتقارۋشى ورگاندارىنان 15 ادام، 5 تەحنيكا جانە 2 موتوپومپا جۇمىلدىرىلعان.

"قازىرگى ۋاقىتتا سۋ اعىمى توقتاتىلدى، زاڭبۇزۋشىلاردى انىقتاۋ جانە وزەن ارناسىنىڭ تابيعي وتكىزۋ قابىلەتىن قالپىنا كەلتىرۋ جۇمىستارى جۇرگىزىلىپ جاتىر.

ازاماتتاردى سۋ نىساندارىن پايدالانۋ ەرەجەلەرىن ساقتاۋعا جانە وزەن ارنالارىن رۇقساتسىز وزگەرتپەۋگە شاقىرامىز"، - دەلىنگەن حابارلامادا.