تۋريزم مينيسترلىگى 2024 جىلى ۇلتتىق سپورت تۇرلەرىن دامىتۋعا جەرگىلىكتى بيۋدجەتتەن 4،8 ميلليارد تەڭگە، رەسپۋبليكالىق بيۋدجەتتەن 1،2 ميلليارد تەڭگە بولىنگەنىن مالىمدەدى.

تۋريزم جانە سپورت ۆيسە-مينيسترى سەرىك جاراسبايەۆتىڭ  ايتۋىنشا، ەلىمىزدە ۇلتتىق سپورتتىڭ 11 ءتۇرى رەسمي تىركەلگەن.

ستاتيستيكاعا سۇيەنسەك، 2024 جىلدىڭ سوڭىنا قاراي قازاقستاندا 700 مىڭعا جۋىق ادام ۇلتتىق سپورت تۇرلەرىمەن تۇراقتى تۇردە اينالىسادى. ولاردا 1700 جاتتىقتىرۋشى جۇمىس ىستەيدى. ونىڭ مىڭى اۋىلدىق جەرلەردە. ەلىمىزدە 17 مامانداندىرىلعان سپورت كلۋبى، 15 سپورت مەكتەبى جانە ءبىر رەسپۋبليكالىق ديرەكسيا جۇمىس ىستەيدى.

“ۇلتتىق سپورت تۇرلەرىن رەسپۋبليكالىق دەڭگەيدە دامىتۋ ماقساتىندا قازاقستاننىڭ ۇلتتىق سپورت تۇرلەرى قاۋىمداستىعى جۇمىس ىستەيدى. قاۋىمداستىققا ۇلتتىق سپورت تۇرلەرىنەن 10 فەدەراسيا كىرەدى”، – دەدى سەرىك جاراسبايەۆ.