بۇل تۋرالى استانادا ءوتىپ جاتقان ءىى ورتالىق ازيا مەديا فورۋمىندا ايتىلدى.

وزبەكستاندا ەل اۋماعىندا كورسەتىلەتىن شەتەلدىك تەلەارنالار تىزىمىنە ازەربايجان، قازاقستان، تۇرىكمەنستان جانە تۇركيا تەلەارنالارى ەنگىزىلدى. الايدا ترانسلياسيانى ۇيىمداستىرۋدا ءالى دە جۇمىس اتقارۋ قاجەت دەپ ەسەپتەيمىز، - دەدى وزبەكستان رەسپۋبليكاسى پرەزيدەنتى اكىمشىلىگى جانىنداعى اقپارات جانە قوعامدىق كوممۋنيكاسيالار اگەنتتىگىنىڭ ديرەكتورى اسادجون حودجايەۆ. 

ول "ورتالىق ازيا ىنتىماقتاستىعى" ۇيىمىنا مۇشە ەلدەردىڭ ۇلتتىق ارنالارىن ءبىر-بىرىنىڭ ەفيرلىك جەلىسىنە ەنگىزۋ تاجىريبەسىن جولعا قويۋ قاجەت ەكەنىن اتاپ ءوتتى. بۇل مادەني-گۋمانيتارلىق بايلانىستى كەڭەيتىپ، حالىقتار اراسىنداعى ديالوگ ارنالارىن اشۋعا، ورتاق مادەنيەتتى بىرلەسە دامىتۋعا سەرپىن بەرەتىنىن ايتتى. 

سوندىقتان اسادجون حودجايەۆ قازاقستاننىڭ ورتاق اقپارات الاڭ قۇرۋ ۇسىنىسىن وزبەكستان تاراپى قولدايتىنىن جەتكىزدى. 

سوندىقتان ءبىز قازاقستان رەسپۋبليكاسىنىڭ ۇسىنىسىن قولدايمىز. “جىبەك جولى”، حالىقارالىق Silk Way تەلەارناسى بازاسىندا بارلىق مەملەكەتتەردىڭ مۇددەسىنە قىزمەت ەتەتىن جانە ورتاق اقپاراتتىق الاڭىمىز بولاتىن ارناعا اينالۋىنا قولداۋ بىلدىرەمىز. ءبىز وسى ارنانىڭ جۇمىسىنا بەلسەندى تۇردە قاتىسۋعا دايىنبىز، - دەدى ول.