باتىس قازاقستان وبلىسىندا جەكەمەنشىك ۇيدەن ءورت شىعىپ بەس بالا قازا تاپقان ەدى. ءوڭىر اكىمى جاعدايدى جەكە باقىلاۋىنا العانىن جەتكىزدى.
جىمپيتى اۋىلىندا بولعان قايعىلى وقيعادان كەيىن باتىس قازاقستان وبلىسىنىڭ اكىمى ناريمان تورەعالييەۆ رەسمي مالىمدەمە جاسادى.
اكىمنىڭ ايتۋىنشا، ونىڭ تاپسىرماسىمەن وقيعا ورنىنا وبلىس اكىمىنىڭ ورىنباسارى جىبەرىلدى. اۋدان اكىمى دە سول جەردە بولىپ، بارلىق توتەنشە جاعداي جانە ءتيىستى قىزمەتتەردىڭ جۇمىسىن ۇيلەستىرىپ وتىر.
ءوڭىر باسشىسى قازا تاپقان بالالاردىڭ وتباسىنا قاجەتتى بارلىق كومەك كورسەتىلەتىنىن ايتتى. وتباسىعا جەرلەۋ ءراسىمىن ۇيىمداستىرۋ، پسيحولوگيالىق قولداۋ كورسەتۋ، باسپانامەن قامتاماسىز ەتۋ جانە باسقا دا الەۋمەتتىك قولداۋ شارالارى قولعا الىنادى.
وقيعا ورنىندا تجد قىزمەتكەرلەرى، پوليسيا، مەديسينا ماماندارى جانە وزگە دە سالا ماماندارى جۇمىسىن جالعاستىرۋدا. تورەعالييەۆ جاعدايدى جەكە باقىلاۋىندا ۇستاپ وتىرعانىن اتاپ ءوتتى.
