8–9 ماۋسىم كۇندەرى بولگاريا پرەزيدەنتى رۋمەن راديەۆ قازاقستانعا رەسمي ساپارمەن كەلەدى. بۇل ساپار مەملەكەت باسشىسى قاسىم-جومارت توقايەۆتىڭ شاقىرۋىمەن جۇزەگە اسادى.

ساپار بارىسىندا قوس ەل باسشىلارى اراسىندا جوعارى دەڭگەيدەگى كەلىسسوزدەر وتەدى. كەزدەسۋدە ساۋدا-ەكونوميكالىق جانە ينۆەستيسيالىق ىنتىماقتاستىقتى ودان ءارى دامىتۋ جولدارى تالقىلانادى. ەكى ەل اراسىنداعى بايلانىستاردىڭ جاڭا كەزەڭگە اياق باسۋى كۇتىلىپ وتىر.

قازاقستان مەن بولگاريا اراسىنداعى ديپلوماتيالىق قارىم-قاتىناس سوڭعى جىلدارى وڭ سەرپىن الىپ كەلەدى. اسىرەسە، اۋىل شارۋاشىلىعى، فارماسيەۆتيكا، ءبىلىم بەرۋ، مادەنيەت جانە جاڭارتىلاتىن ەنەرگيا كوزدەرى سالالارىندا ىنتىماقتاستىقتى تەرەڭدەتۋگە ەكى تاراپ تا مۇددەلى.

ساپار اياسىندا ءبىرقاتار ەكىجاقتى قۇجاتتارعا قول قويىلىپ، ىسكەرلىك بايلانىستاردى نىعايتۋعا باعىتتالعان شارالار وتكىزۋ جوسپارلانىپ وتىر. بۇل بولگاريا مەن قازاقستان اراسىنداعى ارىپتەستىكتى جاڭا دەڭگەيگە كوتەرۋگە مۇمكىندىك بەرەدى.

ەسكە سالساق، بولگاريا – قازاقستاننىڭ ورتالىق جانە شىعىس ەۋروپاداعى ماڭىزدى سەرىكتەستەرىنىڭ ءبىرى. وسى ساپار ارقىلى تاراپتار سەنىمدى ساياسي ديالوگتى جالعاستىرىپ، ەكونوميكالىق بايلانىستاردى ناقتى جوبالار ارقىلى نىعايتۋدى كوزدەپ وتىر.