سىبايلاس جەمقورلىققا قارسى قىزمەت تۋريزم جانە سپورت مينيسترلىگىمەن بىرلەسىپ وتكەن جىلى سپورتتى قارجىلاندىرۋ سالاسىنداعى سىبايلاس جەمقورلىق تاۋەكەلدەرىنە سىرتقى تالداۋ جۇرگىزدى.
تالداۋ ناتيجەلەرى سپورت سالاسىندا جۇيەلى سىبايلاس جەمقورلىق تاۋەكەلدەرىنىڭ بار ەكەنىن كورسەتتى. كلۋبتار ينفراقۇرىلىمدى دامىتۋ ورنىنا قاراجاتتى جالاقىعا، لەگيونەرلەرگە جانە وقۋ-جاتتىعۋ جيىندارىنا نەگىزسىز جۇمساعان.
وسىعان بايلانىستى 50-دەن استام ۇسىنىم ازىرلەنىپ، 2024–2025 جىلدارى سالالىق ەرەجەلەرگە وزگەرىستەر ەنگىزىلدى. ەندى فۋتبول كلۋبتارىنا مەملەكەتتەن قارجىلاندىرۋ الۋ ءۇشىن جاستار كوماندالارى مەن ينفراقۇرىلىمنىڭ بولۋى تالاپ ەتىلەدى. وقۋ-جاتتىعۋ جيىندارىنا ليميت قويىلىپ، باقىلاۋ كۇشەيتىلدى.
«دەنە شىنىقتىرۋ جانە سپورت تۋرالى» زاڭعا ەنگىزىلگەن وزگەرىستەر بويىنشا كاسىبي كلۋبتاردى ۇستاۋعا بولىنەتىن بيۋدجەتكە شەكتەۋ بەلگىلەنىپ، شەتەلدىك سپورتشىلاردى قارجىلاندىرۋعا تىيىم سالىندى.
ناتيجەسىندە 1،3 ملرد تەڭگە بيۋدجەتكە قايتارىلىپ، 11 سپورت نىسانى مەملەكەت مەنشىگىنە ءوتتى. قارجىلاندىرۋ 6،7 ملرد تەڭگەگە قىسقارتىلدى. بۇل شارالار وتاندىق سپورتتى دامىتۋعا باعىتتالعان.
