توقايەۆ سۋ سالاسى قىزمەتكەرلەرىنىڭ جالاقىسىن ارتتىرۋعا باعىتتالعان "تابيعي مونوپوليالار تۋرالى" زاڭعا وزگەرىستەر ەنگىزۋ تۋرالى زاڭعا قول قويدى. تۇزەتۋلەردى سۋ رەسۋرستارى جانە يرريگاسيا مينيسترلىگى ازىرلەدى.

مينيسترلىكتىڭ مالىمەتىنشە، بۇل وزگەرىستەر سۋمەن جابدىقتاۋ جانە سۋ بۇرۋ قىزمەتتەرىن كورسەتەتىن 25 مىڭنان استام ماماننىڭ ەڭبەكاقىسىن كوتەرۋگە مۇمكىندىك بەرەدى. جالاقى مولشەرى وڭىرگە جانە ستاتيستيكالىق كورسەتكىشتەرگە قاراي ورتا ەسەپپەن 35–50%-عا وسەدى. بۇل جىلۋ جانە ەلەكتر ەنەرگەتيكاسى سالاسىنداعى مامانداردىڭ جالاقى دەڭگەيىنە سايكەستەندىرىلەدى.

نۇرجان نۇرجىگىتوۆ، سۋ رەسۋرستارى جانە يرريگاسيا ءمينيسترى:

"بۇل شارا سۋ سالاسىنداعى كادر تۇراقسىزدىعىن ازايتىپ، بىلىكتى مامانداردى تارتۋعا مۇمكىندىك بەرەدى. سۋ شارۋاشىلىعى – ەل ءۇشىن ستراتەگيالىق ماڭىزى بار سالا."

ورتاشا جالاقى (ستاتيستيكالىق دەرەكتەر بويىنشا):

• جىلۋ جانە ەلەكتر ەنەرگەتيكاسى سالاسى — 330 مىڭ تەڭگە

• سۋ شارۋاشىلىعى سالاسى — 231 مىڭ تەڭگە

زاڭعا ەنگىزىلگەن وزگەرىستەر 2025 جىلعى 1 قىركۇيەكتەن باستاپ كۇشىنە ەنەدى.

مينيسترلىك بىلتىر "قازسۋشار" رمك قىزمەتكەرلەرىنىڭ جالاقىسىن ورتا ەسەپپەن 25%-عا ارتتىرعانىن دا اتاپ ءوتتى.