قازاقستان گەولوگيالىق بارلاۋ جۇمىستارىن اۋقىمدى جۇرگىزۋدە – تەك 2025 جىلدىڭ I توقسانىندا مىس، نيكەل، كومىر، التىن جانە سيرەك جەر مەتالدارىنىڭ بولجامدى رەسۋرستارى بار 38 پەرسپەكتيۆالى ۋچاسكە انىقتالدى.
قازاقستان پرەزيدەنتىنىڭ تاپسىرماسىنا سايكەس، 2026 جىلعا قاراي ەلىمىز اۋماعىنىڭ گەولوگيالىق-گەوفيزيكالىق زەرتتەلۋى 2،2 ملن شارشى شاقىرىمعا جەتۋى ءتيىس.
2024 جىلى قامتۋ 2 014،4 مىڭ شارشى شاقىرىمدى قۇرادى جانە جۇمىستار بەلسەندى قارقىنمەن جالعاسۋدا.
2025 جىلدىڭ ءبىرىنشى توقسانىندا اۋقىمدى زەرتتەۋلەر:
- اەروتۇسىرىلىمدەردى دەشيفرلەۋ،
- مارشرۋتتىق ءتۇسىرىلىم،
- بۇرعىلاۋ،
- سۋ جانە رادياسيا سىنامالارىن تالداۋ،
- گەوحيميالىق جانە كامەرالدىق زەرتتەۋلەر جۇرگىزىلدى.
ناتيجەسىندە پايدالى قازبالارىنىڭ الەۋەتى جوعارى 38 ۋچاسكە انىقتالدى. بولجامدى رەسۋرستار قاتارىندا:
- 2،6 ملن توننا سيرەك جەر مەتالدارى،
- 1،1 ملرد توننا قوڭىر كومىر،
- 3،7 ملن توننا مىس جانە نيكەل،
- 19 توننا التىن بار.
2024-2026 جىلدارى گەولوگيالىق بارلاۋ جۇمىستارىنا 22،83 ملرد تەڭگە ءبولىندى، ونىڭ ىشىندە 2025 جىلى 7،636 ملرد تەڭگە يگەرىلەدى. 1:200 000 ماسشتابتاعى: 14 تەرەڭ گەوكارتالاۋ، 9 مينەراگەندىك جانە 19 گيدروگەولوگيالىق جەتە زەرتتەۋ وبەكتىلەرى بويىنشا وڭىرلىك جوبالار جالعاسۋدا.
جەكە ينۆەستيسيالار ماڭىزدى ءرول اتقارادى.
"2018 جىلدان 2024 جىلعا دەيىن گەولوگيالىق بارلاۋعا 424 ملرد تەڭگە سالىندى، 2025 جىلى 106 ملرد تەڭگەگە دەيىن وسەدى دەپ كۇتىلۋدە"،- دەلىنگەن اقپاراتتا.
جۇمىس كولەمى بويىنشا مىندەتتەمەلەرسىز، ءبىراق مىندەتتى ەسەپتىلىكپەن جەر قويناۋىن زەرتتەۋگە ارنالعان جەڭىلدەتىلگەن ليسەنزيا نارىقتى ينۆەستورلار ءۇشىن قولجەتىمدى ەتەدى.
